ផាប់ ឃីស បែកបាក់ស្នេហា ស្តាប់បទ Idol កាលណាចាក់ដល់បេះដូង

2016-12-13 04:21:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពេលបែកបាក់ស្នេហាច្រើនលើកច្រើនសារតារាសម្តែង ផាប់ ឃីស បានឲ្យដឹងថាកាន់តែចាក់ដោតបេះដូងកាលណាបានស្តាប់បទចម្រៀង Idol ខ្លួន គឺលោក ហ្សូណូ ជាពិសេសបទ "មនុស្សអតីត"។

ស្របពេលឈានដល់វ័យកំពុងតែមានស្នេហា ផាប់ ឃីស ក៏ធ្លាប់បានជួបប្រទះរឿងរ៉ាវមិនសមប្រកបច្រើនលើកច្រើនសារកាលរៀននៅវិទ្យាល័យ ដូច្នេះមានតែបទចម្រៀងដែលត្រូវនឹងសាច់រឿងហ្នឹងហើយ ជាអ្នករ៉ាប់រងបេះដូងលោកដែលកំពុងឈឺចាប់។

"កាលបងនៅរៀន ពេលខូចចិតតរឿងស្នេហា ដឹងតែបងស្តាប់បទបង ហ្សូណូ។ រាល់បទគាត់ សុទ្ធសឹងតែចាក់ដល់បេះដូងបង ព្រោះត្រូវហ្នឹងសាច់រឿងអ្នកខូចចិត្ត។ តែឥឡូវបងលែងគិតហើយ ការឈឺចាប់រឿងស្នេហានៅដក់ជាប់ក្នុងចិត្តច្រើនពេក ម្យ៉ាងចាំខ្លួនឯងរឹងមាំជាងនេះសិន ទើបគិតគូរ"។ ផាប់ ឃីស បន្ថែម។

តារាប្រុសមានស្រុកកំណើតមកពីខេត្តបន្ទាយមានជ័យរូបនេះបានឲ្យដឹងទៀតថា លោកស្រលាញ់ពេញចិត្ត និងចាត់ទុកតារាចម្រៀង ហ្សូណូ កាលលោកនៅរៀនថ្នាក់អនុវិទ្យាល័យមកម្ល៉េះ។ ដោយក្តីស្រលាញ់ចូលចិត្ត ហ្សូណូ តាំងពីវ័យជំទង់មក នៅតែដក់ជាប់ក្នុងចិត្ត មិនតែប៉ុណ្ណោះលោកថាថែមទាំងយកស្ទីលនៃការស្លៀកពាក់ដូចតារាចម្រៀងក្នុងផលិតកម្មហង្សមាសខាងលើនេះទៀតផង។ ពិសេសជាងនេះទៀតនោះ ផាប់ ឃីស ប្រាប់ថាលោកសប្បាយចិត្តបំផុត ដោយសារបានសម្តែងបទចម្រៀងមួយបទជាមួយ Idol ហ្សូណូ មានចំណងជើងថា "មិនបាច់ស្រលាញ់បងទេ"៕

មកស្តាប់ការបកស្រាយលម្អិតពី ផាប់ ឃីស ខាងក្រោម៖