រឿងភាគឥណ្ឌាថ្មីជាមួយតួឯកស្រីស្អាតមានមន្តស្នេហ៍ នឹងបញ្ចាំងលើ MyTV

2016-12-26 07:23:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តឥណ្ឌាជក់ចិត្តថ្មីមួយទៀតដែលមានតួស្អាតៗ នឹងត្រូវចាក់បញ្ចាំងលើកញ្ចក់ទូរទស្សន៍ MyTV ខណៈរឿងនេះក៏ល្បីនៅឥណ្ឌា។

«បន្លាស្នេហ៍ក្នុងបេះដូង» ជាភាពយន្តភាគឥណ្ឌាថ្មីមួយដែលសម្តែងដោយតួមានសម្រស់ស្រស់ស្អាតគួរឲ្យចង់ទស្សនាមិនចេះជិនណាយ ជាពិសេសតួឯកស្រី ដែលមើលទៅគួរឲ្យស្រលាញ់ជាមួយស្នាមញញឹមទាក់ទាញ និងរាងគួរឲ្យខ្នាញ់។ ភាពយន្តនេះ ឆ្លុះបញ្ចាំងពីស្នេហាដែលមានភាពច្របូកច្របល់ ច្រណែន ឈ្នានីស ប្រច័ណ្ឌ គ្នាទៅវិញទៅមក។ ដោយសារអំណាចស្នេហា ធ្វើឲ្យតួស្រី និងបងប្អូន ត្រូវបាក់បែកគ្នា ឈ្លោះទាស់ទែង បំភ្លេចរាល់ទំនាក់ទំនងពីមុនជាមួយគ្នា ក៏ដើម្បីតែមនុស្សប្រុសដែលខ្លួនស្រលាញ់។ សាច់រឿង នឹងទៅជាយ៉ាងណា បើផ្លូវស្នេហាមួយនេះពេញទៅដោយបន្លា ឧបសគ្គ ទឹកភ្នែកមិនចេះអស់ មិនចេះហើយនោះ?

ខ្សែរឿងជក់ចិត្តនេះ ក៏បង្ហាញពីទំនៀមទម្លាប់ប្រពៃណីរបស់ឥណ្ឌា ដែលអាចជាចំណេះដឹងមួយសម្រាប់ទស្សនិកជនផងដែរ ព្រោះគ្រប់សកម្មភាព គ្រប់ពាក្យសម្ដីសុទ្ធតែប្រទាក់ក្រឡាពីមួយភាគ ទៅមួយភាគ ធ្វើឲ្យអារម្មណ៍របស់អ្នកទស្សនា ចង់តាមដានដំណើររឿងនឹងទៅជាយ៉ាងណាទៀតផង។

«បន្លាស្នេហ៍ក្នុងបេះដូង» នឹងត្រូវចាក់ផ្សាយលើកញ្ចក់ទូរទស្សន៍ MyTV រៀងរាល់ថ្ងៃចន្ទ ដល់អាទិត្យ វេលាម៉ោង ១២ ថ្ងៃត្រង់ និងផ្សាយឡើងវិញ វេលាម៉ោង ៩ យប់។

MyTV ជាស្ថានីយទូរទស្សន៍កំពុងឈានមុខគេលើផ្នែកកម្សាន្ត និងខ្សែភាពយន្តល្បីៗ ហើយទទួលបានការគាំទ្រយ៉ាងខ្លាំងពីទស្សនិកជន មិនថាក្នុងស្រុក ឬក្រៅស្រុក។ MyTV នៅតែបន្តស្វះស្វែងរកកម្មវិធីប្លែកៗ ល្អៗ សប្បាយៗ រួមទាំងខ្សែភាពយន្តល្បីមួយចំនួនបន្ថែមទៀត ដើម្បីបម្រើដល់ចំណីចក្ខុរបស់ទស្សនិកជនដ៏ច្រើនក្នុង និងក្រៅប្រទេស។ ប៉ុន្មានឆ្នាំចុងក្រោយនេះ MyTV បាននិងកំពុងទទួលបានការកោតសរសើរ និងការជក់ចិត្តដិតអារម្មណ៍ពីបណ្ដាទស្សនិកជនទៅលើខ្សែភាពយន្តភាគឥណ្ឌាខ្លាំងទៀតផង៕

ដោយ៖ សុផាត