ចង់លេងម៉ូដពុម្ពអក្សរខ្មែរយូនីកូដស្អាតៗ ទាញយកតាមគេហទំព័រនេះ

2016-12-27 03:59:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Aksorkhmer.com ជាវិបសាយដែលប្រមូលផ្ដុំដោយពុម្ពអក្សរខ្មែរយូនីកូដស្អាតៗរាប់រយម៉ូដ ដែលបង្កើតឡើងដោយក្រុមអ្នករចនាពុម្ពអក្សរខ្មែរ។

លោក នៅ សំណាង(រូបខាងស្ដាំគេបង្អស់)

លោក នៅ សំណាង(ហៅ អាក្បាលធំ) ឲ្យដឹងថា គេហទំព័រអក្សរខ្មែរ AksorKhmer.com គឺជាកន្លែងផ្ទុកពុម្ពអក្សរខ្មែរផ្លូវការ ដោយបានប្រមូលពុម្ពអក្សរខ្មែរទាំងប្រភេទយូនីកូដ និងប្រភេទធម្មតាដាក់ជាកញ្ចប់ ងាយស្រួលមើល និងទាញយក។

គោលបំណងដែលគេហទំព័រអក្សរខ្មែរ AksorKhmer.com លើកយកពុម្ពទាំងអស់មកផ្ដុំគ្នា ដើម្បីបង្ហាញពីភាពរីកចម្រើននៃពុម្ព និងដឹងថាពុម្ពអក្សរខ្មែរសព្វថ្ងៃមានប៉ុន្មាន រូបរាងមានលក្ខណៈអ្វីខ្លះ? ជួយកាត់បន្ថយការសួរគេឯងអំពីពុម្ពអក្សរខ្មែរ។

ថ្វីត្បិតតែអ្នករចនាពុម្ពទាំងអស់ បានដាក់ឲ្យទាញយកពុម្ពអក្សរ ទៅប្រើដោយសេរីក៏ពិតមែន ប៉ុន្តែមិនអនុញ្ញាតឲ្យក្រុមហ៊ុន ផលិតកម្ម អ្នកក្រាហ្វិកអាជីពយកទៅប្រើប្រាស់ដើម្បីប្រកបអាជីវកម្មបន្តទៀតនោះទេ។

ពុម្ពអក្សរខ្មែរយូនីកូដដែលបានរចនាកន្លងមក មានឈ្មោះនិងម៉ូដប្លែកច្រើនដូចជា AKbalthom Moul 6, Kh Baphnom Buddha Story,Kh Baphnom Baktouk, iKampuchea_VATHANA ជាដើម ប៉ុន្តែមិនប្រាកដថាអាចដើរបានត្រឹមត្រូវទេ ព្រោះអ្នករចនាជើងថ្មី សុទ្ធតែមិនមែនអ្នកជំនាញ ឬឆ្លងកាត់ការសិក្សាពីការបង្កើតពុម្ពនោះទេ បើមានបញ្ហាសូមរាយការណ៍ទៅអ្នករចនាពុម្ពទាំងនោះ៕