តោះមកស្គាល់គូស្នេហ៍ពិសេសទី២ក្នុងរឿង "ស្នេហ៍ស្វ័យគុណ៤" ទាំងអស់គ្នា!
- 2016-12-28 03:22:25
- ចំនួនមតិ 0 | ចំនួនចែករំលែក 0
តោះមកស្គាល់គូស្នេហ៍ពិសេសទី២ក្នុងរឿង "ស្នេហ៍ស្វ័យគុណ៤" ទាំងអស់គ្នា!
ចន្លោះមិនឃើញ
កាលពីសប្ដាហ៍មុន Sabay បានបង្ហាញគូស្នេហ៍ទី១ក្នុងរឿង "ស្នេហ៍ស្វ័យគុណ៤" រួចមកហើយ។ ដោយឡែកថ្ងៃនេះក្រុមការងារ នឹងនាំអារម្មណ៍ប្រិយមិត្តក៏ដូចជាអ្នកគាំទ្រទាំងអស់ទៅស្គាល់គូស្នេហ៍ពិសេសទី២ វិញម្ដង។
សុធា អុីណែស ដែលជាអ្នកនិពន្ធ បានឲ្យដឹងថាគូស្នេហ៍ពិសេសទី២នេះគឺសេម និង មាន សូនីតា ដោយ សេម គឺជាជាងថតរូប គេបានបើកស្ទូឌីយោផ្ទាល់ខ្លួនមួយ និងមានជំនួយការម្នាក់ផងដែរ។ សេម និង នីតា គឺជាគូស្នេហ៍ដែលមិនប្រកាន់វណ្ណៈគ្នា នីតា ជា កូនអ្នកមានមួយរូប តែនាងបានបន្ទាបខ្លួនមកស្រលាញ់ សេម ដែលជាងថតរូបធម្មតាៗម្នាក់ និង ជាពិសេសទោះបីជា សេម មានប្រវត្តិជាអតីតក្មេងខាត់ស្បែកជើងតាមផ្លូវក៏ដោយ។
អ្នកនិពន្ធបន្តទៀតថា ចាប់តាំងពី នីតា ចូលច្រៀងក្នុងផលិតកម្ម មួយមក ស្នេហាអ្នកទាំងពីរ មានរនាំងកាន់តែក្រាស់ ព្រោះនាងមិនអាចបង្ហាញរឿងពិតដែលនាងមានសង្សារហើយនោះទេ។ ពេលវេលា និង កុងត្រាដ៏តឹងរឹងរបស់ក្រុមហ៊ុន ធ្វើអោយអ្នកទាំងពីរ មិនអាចជួបគ្នាញឹកញាប់បាន។ សុធា អុីណែស បន្ថែមថាក្នុងនោះដែរ ក៏មានវត្តមានអតីតសង្សារ នីតា ចូលមករំខានផងដែរ។
ចំណែក មាន សូនីតា វិញបានលើកឡើងថានាង និង សេម សម្ដែងមានភាពសង់តង់គ្នាច្រើនព្រោះធ្លាប់បានសហការគ្នាច្រើនក្នុងរឿង "ស្នេហ៍៩"។
កុំភ្លេចតាមដានរឿងរ៉ាវរបស់គូស្នេហ៍៣គូរទៀត និងរង់ចាំទស្សនារឿង "ស្នេហ៍ស្វ័យគុណ៤" ទាំងអស់គ្នានៅដើមឆ្នាំក្រោយណា៕
ទស្សនាការបកស្រាយបន្ថែមពី មាន សូនីតា៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
