ចំណូល Tevez នៅចិនអាចទិញឡាន Porsche ថ្មីរាល់ថ្ងៃ និងកោះឯកជនរាល់សប្ដាហ៍

2016-12-30 00:54:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Carloz Tevez បានក្លាយជាកីឡាករដែលរកចំណូលច្រើនជាងគេក្នុងពិភពបាល់ទាត់ក្រោយផ្ទេរជាផ្លូវការទៅលេងនៅក្លឹបប្រទេសចិន នៃក្របខ័ណ្ឌកំពូល Chinese Super League។

Tevez ស្តាំ

អតីតកីឡាករ Manchester United ទទួលប្រាក់ពលកម្មពីក្លឹប Shanghai Shenhua ៦១៥០០០ផោនក្នុង១សប្ដាហ៍ ឬ១ផោនក្នុង១វិនាទី និង៣២លានផោនក្នុង១ឆ្នាំ។ បើយកចំណូលដ៏មហាសាលនេះមកធ្វើការប្រៀបធៀប Tevez អាចទិញវត្ថុមានតម្លៃជាច្រើនត្រឹមរយៈពេលដ៏ខ្លីប៉ុណ្ណោះ។

ក្នុង១ថ្ងៃចំណូល ខ្សែប្រយុទ្ធសញ្ជាតិអាហ្សង់ទីនអាចទិញរថយន្ត Porsche Carrera 911 4 ជារៀលរាល់ថ្ងៃ ដែលវាមានតម្លៃខ្ទង់៨ម៉ឺនផោន ឬក៏អាចទិញនាឡិកា Rolex មាស១៨ការ៉ាត់ចំនួន២។ ចំណូលដដែលក្នុង១សប្ដាហ៍មានលទ្ធភាពអាចទិញកោះឯកជនមួយនៅប្រទេស បេលីហ្ស (Belize) រស់នៅដាច់តែឯង ដែលវាថ្លៃខ្ទង់២,៣លានផោន ដោយ Tevez ប្រើពេលត្រឹមតែ១ខែប៉ុណ្ណោះ។

ក្រៅពីវត្ថុ និងទ្រព្យសម្បត្តិគ្រប់យ៉ាងខាងលើ Tevez អាចដកចំណូលខ្លះក្នុង១សប្ដាហ៍ទិញឧទ្ធម្ភាគចក្រប្រភេទ Robinson R66 Turbine តម្លៃខ្ទង់៤៧៥០០០ផោន។ ចុងក្រោយគឺភូមិគ្រឹះដ៏ស្កឹមស្កៃមាន៧០បន្ទប់ ដែលវាមានតម្លៃ ១២,៦លានផោន ដែលកីឡាករវ័យ ៣២ឆ្នាំត្រូវដកប្រាក់ចំណូលត្រឹម៦ខែប៉ុណ្ណោះដើម្បីទិញ៕