លទ្ធផលចុងក្រោយ រកឃើញកំពូលស្មាតហ្វូនប្រចាំឆ្នាំ ២០១៦

2016-12-30 09:11:13
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីដើមសប្ដាហ៍ sabay បានធ្វើយុទ្ធនាការបោះឆ្នោតស្ទង់មតិក្រៅផ្លូវការមួយ ដើម្បីស្វែងរកកំពូលស្មាតហ្វូនប្រចាំឆ្នាំ ដោយផ្អែកតាមចំណង់ចំណូលចិត្តរបស់មិត្តអ្នកអាន។

ការស្ទង់មតិដែលមានរយៈពេល ៥ ថ្ងៃ ទទួលបានអ្នកចូលរួមបោះឆ្នោតចំនួន ៣៦៦១ សម្លេង បង្ហាញលទ្ធផលគឺ Galaxy S7 Edge ឈរលើគេ ទទួលបានសម្លេងគាំទ្រ ៩២៧ សម្លេង តាមពីក្រោយយ៉ាងប្រកៀកដោយ iPhone 7 Plus ដែលទទួលបាន ៨៩០ សម្លេង។ ចំណែក G5 របស់ LG ទទួលបាន ៧៣៤ សម្លេងឈរលេខរៀងទី ៣ តាមដោយ Galaxy S7 ដែលទទួលបាន ២៨៦ សម្លេង។

ចំណែក Huawei P9 ស្ថិតនៅក្នុងចំណាត់ថ្នាក់លេខ ៥ ទទួលបាន ២៤៩ សម្លេង នៅពីលើ Xperia XZ របស់ Sony ដែលទទួលបាន ២០៦ សម្លេង។

ដំបូងឡើយ iPhone 7 Plus បាននាំមុខគេសម្រាប់ការបោះឆ្នោត ប៉ុន្តែគិតត្រឹមថ្ងៃចុងក្រោយ Galaxy S7 Edge បែរជាអ្នកនាំមុខវិញ ដែលធ្វើឲ្យ Galaxy S7 Edge ជាប់ជាស្មាតហ្វូនកំពូលប្រចាំឆ្នាំ សម្រាប់ការបោះឆ្នោតលើវិបសាយ sabay។

សូមបញ្ជាក់ថា ការបោះឆ្នោតនេះរៀបចំឡើងក្រៅផ្លូវការប៉ុណ្ណោះ ដើម្បីអាចឲ្យប្រិយមិត្តបោះឆ្នោតគាំទ្រទូរសព្ទដ៏ល្អបំផុតប្រចាំឆ្នាំ។

ខាងក្រោមជាលទ្ធផលសម្រេចបានពីការបោះឆ្នោតដែលធ្វើឡើងរយៈពេល ៥ ថ្ងៃមកនេះ៖