Seolhyun ក្រុម AOA បង្ហើបពីរបៀបថែរាងឲ្យបានស្អាតដូចនាង

2017-01-03 02:05:33
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុម AOA ម្នាក់ឈ្មោះ Seolhyun ដែលល្បីខាងមានរាងស្អាត បានបង្ហើបប្រាប់ពីគន្លឹះក្នុងការតមអាហារ និងលំហាត់ប្រាណដែលនាងប្រើប្រាស់ជារៀងរាល់ថ្ងៃ នៅក្នុងវគ្គមួយនៃកម្មវិធី “Take Care of My Fridge” របស់ប៉ុស្ដិ៍ jTBC កាលពីថ្ងៃទី២ ខែមករា ឆ្នាំ២០១៧ នេះ។

នៅពេលដែល Seolhyun ត្រូវបានគេសួរថា នាងថែរក្សារាងឲ្យនៅស្វែលស្រស់ស្អាតយ៉ាងនេះដោយរបៀបណានោះ Seolhyun បានប្រាប់មកវិញថា នាងមិនបានកាត់បន្ថយការញ៉ាំម្ហូបអាហារផ្សេងៗឡើយ។ ផ្ទុយទៅវិញ Seolhyun ញ៉ាំគ្រប់មុខ និយាយរួមទៅគឺអ្វីដែលនាងចង់ញ៉ាំ នាងញ៉ាំទាំងអស់ គ្រាន់តែក្នុងបរិមាណតិច ហើយនាងមានទម្លាប់មិនសូវញ៉ាំអាហារពេលព្រឹក តែញ៉ាំអាហារពេលល្ងាចច្រើន។

ទម្លាប់ញ៉ាំរបស់ Seolhyun បែបនេះ ត្រូវបានពិធីកររំលឹកដាស់តឿនផងដែរថា អាហារពេលព្រឹកជាអាហារចាំបាច់និងសំខាន់បំផុត ហើយជាទូទៅ គេឲ្យកាត់បន្ថយការញ៉ាំអាហារពេលល្ងាចវិញ តែចំពោះ Seolhyun គឺនាងយល់ផ្សេង "ខ្ញុំនៅតែបន្តទម្លាប់បែបហ្នឹងដដែល គឺញ៉ាំអាហារពេលព្រឹកតិច តែញ៉ាំអាហារពេលល្ងាចច្រើន" ។

ក្រៅពីរបៀបតមអាហារនេះ Seolhyun ក៏ឆ្លៀតធ្វើលំហាត់ប្រាណក្នុងពេលសម្រាកផងដែរ។ ទោះជាយ៉ាងណាក៏ដោយ តិចនិកដែលនាងបានប្រាប់នេះ គឺខុសពីអ្វីដែលនាងបាននិយាយកាលពីឆ្នាំមុន។ ក្នុងអំឡុងខែមិថុនា Seolhyun បានប្រាប់ថា ការតមអាហារសម្រាប់ការថែរាងពិតជាពិបាកណាស់សម្រាប់នាង ដោយសារតែ Seolhyun អាចញ៉ាំបានតែអាហារមួយពេលតែប៉ុណ្ណោះក្នុងមួយថ្ងៃ ហើយបើពេលថតកុនវិញ គឺត្រូវតែញ៉ាំរបស់ដែលរាវសុទ្ធ។

គួរបញ្ជាក់ផងដែរថា ក្នុងឆ្នាំ២០១៦ Seolhyun ជាប់ចំណាត់ថ្នាក់លេខ៩ ក្នុងតារាងតារាដែលមានរាងស្អាតបំផុតក្នុងប្រទេសកូរ៉េខាងត្បូង។