មិនធម្មតា គ្រឿន មិនត្រឹមពូកែកំប្លែង តែបាល់ទះ ក៏ខ្លាំងដែរ វ៉ៃរាបអស់ហើយតាមភូមិ

2017-01-04 04:39:17
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយគ្រឿន បានប្រាប់ថា កីឡាបាល់ទះ ត្រឹមប្រកួតគ្នានៅក្នុងក្រុមកំប្លែង CTN ខ្លួន និង នាយពែកមី គឺជាជើងខ្លាំង ព្រោះរាល់ថ្ងៃអត់មាន អ្នកណាលើខ្លួនឡើយ ហើយក៏ធ្លាប់វាយរាបតាមភូមិដែរ។

នាយបានលើកឡើងថា បើនិយាយពីកីឡា បាល់ទាត់ និង បាល់ទះ នាយចូលចិត្តជាងគេ ហើយក្នុងនោះសម្រាប់បាល់ទះ ជំនាញរបស់នាយ គឺដៃឆ្វេង ឬហៅថា ស្មាត់ឆ្វេង។ នាយចេះលេងកីឡានេះ តាំងពីវ័យខ្ទង់២០ឆ្នាំ ហើយក្នុងស្រុកភូមិ ស្ទើរតែមិនមានដៃគូប្រៀបផង។

នាយគ្រឿនថា នាយ និងបងប្រុសរបស់ខ្លួន នាយពែកមី គឺជាដៃគូ យល់ចិត្តគ្នាបំផុត ហើយចូលចិត្តលេង ២ស្មើ។ យ៉ាងណាក៏ដោយ តារាកំប្លែងរូបនេះ បញ្ជាក់ថា ការលេងម្ដង មិនភ្នាល់ប្រាក់ធំដុំអ្វីឡើយឡើយ គឺត្រឹមដាក់ទឹកសុទ្ធ និងចេញតុងឲ្យគ្នាដើម្បីសុខភាពប៉ុណ្ណោះ។

ដោយសារតែកីឡាបាល់ទះ ក្នុងចង្កោមក្រុមកំប្លែងCTN មិនមានដៃគូលេង ទើបក្រុមរបស់លោកបានបង្កើតក្រុមបាល់ទាត់១ក្រុមទៀត ហើយបច្ចុប្បន្នក្រុមបាត់ទាត់នោះ ក៏មានថ្វីជើងមិនធម្មតាដែរ។ ត្បិតអីកន្លងមកធ្លាប់បំបាក់ច្រើនក្រុមមកហើយ។

សូមស្ដាប់វីដេអូ ស្ដីពីការរៀបរាប់របស់នាយ គ្រឿង ជុំវិញការលេងកីឡាខាងលើ។