បណ្ដាញសង្គមថ្មី Like Cambodia ជួបបញ្ហា Server ដោយសារអ្នកប្រើប្រាស់សម្រុកចូលច្រើន

2017-01-09 02:31:07
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញសង្គមថ្មី Like Cambodia ដែលបង្កើតឡើងដោយអ្នកអភិវឌ្ឍកម្មវិធីជំនាញលោក ស៊ាន វណ្ណារិទ្ធ ពេលនេះកំពុងមានបញ្ហារអាក់រអួលផ្នែក Server ដោយសារមានអ្នកបុកចូលប្រើប្រាស់ច្រើន។

លោក វណ្ណារិទ្ធ អ្នកបង្កើត Like Cambodia បានបញ្ជាក់ថា ដោយសារមួយរយៈថ្មីៗនេះ ក្រោយមានការចុះផ្សាយ បណ្តាញសង្គមលោកទទួលការចាប់អារម្មណ៍ខ្លាំងមែនទែន ពីបណ្តាអ្នកប្រើប្រាស់នៅកម្ពុជា។ កំណើនអ្នកប្រើប្រាស់និងចុះឈ្មោះលើ Like Cambodia កើនឡើងហួសពីការស្មាន ទើបធ្វើឲ្យ Server ដើរមិនស្រួលបែបនេះ ជាហេតុធ្វើឲ្យអ្នកប្រើប្រាស់ជាច្រើនមានបញ្ហា Sign Up និងរអ៊ូរឿងដើរយឺត។

ឥឡូវនេះក្រុមការងារ Like Cambodia កំពុងអាប់ដេត Server ឲ្យកាន់តែធំ ដើម្បីឲ្យបណ្ដាញសង្គមថ្មីនេះ ដំណើរការរលូនជាងមុន។ ប៉ុន្តែអំឡុងពេលនៃការអាប់ដេតនេះ អាចមានបញ្ហានិងការរអាក់រអួលផ្សេងៗកើតឡើង។

មុខងារជាច្រើនក្នុងកម្មវិធីនេះស្រដៀងគ្នាទៅនឹងបណ្ដាញសង្គមយក្ស Facebook ដែរ ដូចជា មុខងារ Reaction លើ Post នីមួយៗ Tag Friend និង Check-in ជាដើម។ ចំពោះការ Like និង Comment លើ Post ណាមួយម្តងៗ ម្ចាស់គណនីនឹងទទួល Notification លើទូរសព្ទ។

បច្ចុប្បន្នបណ្ដាញសង្គម Like Cambodia មានសមាជិក (Member) កំពុងប្រើប្រាស់ប្រហែលជិត ៥០០ នាក់ ឯចំនួនទាញយកលើ Play Store មានចន្លោះពី ១ ០០០ ដល់ ៥ ០០០ ដងឯណោះ៕