អ្នកស្រុកចំការលើ កំពង់ចាម ពេញចិត្តនឹងសេវាកម្មសម្បូរបែបរបស់ AMK

2017-01-19 03:15:29
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រុកចំការលើ ខេត្តកំពង់ចាម ដែលភាគច្រើនប្រកបរបរធ្វើស្រែចំការ ពិតជាពេញចិត្តចំពោះសេវាកម្មរបស់ AMK ខ្លាំង ព្រោះជួយសម្រួលដល់ការងាររបស់ពួកគេបានឆាប់រហ័ស។

ភ្នាក់ងារ AMK អ្នកស្រី ឡេង រដ្ឋា ដែលរស់នៅភូមិសាមគ្គី ឃុំបុសខ្នុរ ស្រុកចំការលើ ខេត្តកំពង់ចាម បានឲ្យដឹងថា ប្រជាពលរដ្ឋរស់នៅតំបន់នោះតែងប្រើសេវាកម្ម AMK ព្រោះវាបានផ្តល់នូវភាពងាយស្រួល ជាពិសេសសេវាកម្មឆាប់រហ័សទាន់ចិត្ត។ អ្នកស្រីបន្តថា នៅរដូវប្រមូលផលចាប់ពីខែតុលា ទៅខែវិច្ឆិកា ឬរដូវស្វាយចន្ទី ពីខែមករាទៅខែកុម្ភៈ អតិថិជនដែលប្រកបរបរធ្វើស្រែចំការ វេរលុយម្តងៗច្រើនមែនទែន ដែលមានចាប់ពី១០លានរៀល ២០លានរៀល ដល់១ម៉ឺនដុល្លារ។ ភាគច្រើន ពួកគាត់វេរលុយទាំងនោះ ឲ្យដៃគូជំនួញ អ្នកធ្វើចំការ ឬផ្ញើឲ្យបងប្អូន។

អ្នកស្រី រដ្ឋា បើកភ្នាក់ងារ AMK នៅឃុំបុសខ្នុរ ស្រុកចំការលើ រយៈពេល១ឆ្នាំកន្លះមកហើយ ខណៈមូលហេតុដែលធ្វើឲ្យអ្នកស្រីសម្រេចចិត្តធ្វើជាភ្នាក់ងារ AMK ព្រោះពីមុន ពេលគេវេរលុយឲ្យ អត់មានកន្លែងបើកទេ ហើយត្រូវទៅបើកនៅកន្លែងឆ្ងាយៗ ដូច្នេះទើបសម្រេចចិត្តបើកធ្វើជាភ្នាក់ងារដោយខ្លួនឯងតែម្តង។

ប្រជាជននៅស្រុកចំការលើ មានភាពងាយស្រួលជាមួយសេវាកម្មរបស់ AMK ដោយមានសេវាកម្មច្រើនយ៉ាងដូចជា វេរលុយ ដាក់-ដកប្រាក់សន្សំ បង់ប្រាក់កម្ចី និងបង់វិក្កយបត្រផ្សេងៗ។ ចំពោះសេវាកម្មដក ឬដាក់ប្រាក់វិញ ចំណាយពេលមិនយូរទេ ពោលគឺត្រឹមតែ១នាទីប៉ុណ្ណោះ៕