តារាសម្ដែង និងជាអ្នកបម្រើការលើយន្តហោះ ទូច មិនាថ ជួបទុក្ខធំ

2017-01-19 06:56:43
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងជាម៉ូដែលកញ្ញា ទូច មិនាថ បានជួបទុកធំ ដោយសារតែឪពុករបស់ខ្លួនឈ្មោះលោក ឃួប ស៊ីវន បានទទួលមរណភាព កាលពីម្សិលមិញវេលាម៉ោង៣.៣៣ដោយជំងឺបេះដូង ពេលដែលក្រុមគ្រួសារដឹកមកសង្គ្រោះបន្ទាន់នៅមន្ទីរពេទ្យភ្នំពេញ។

មិនាថ បានឲ្យដឹងថា ឪពុករបស់ខ្លួនមានជំងឺបេះដូងជាង១ឆ្នាំកន្លះមកហើយ ដោយក្រុមគ្រួសារធ្លាប់យកទៅព្យាបាល និងធ្លាប់វះកាត់ដាក់រូស័របេះដូងនៅមន្ទីរពេទ្យកាល់ម៉ែតទៀតផង។

កញ្ញា ទូច មិនាថ បានរៀបរាប់ឲ្យដឹងថា មុនពេលស្លាប់ លោកពុកធ្វើទុក្ខពេញមួយយប់ បន្ទាប់មកក្រុមគ្រួសារបានបញ្ជូនទៅសង្គ្រោះនៅមន្ទីរពេទ្យភ្នំពេញ រួចក៏ស្លាប់តាមផ្លូវតែម្ដង។ លោក ឃួប ស៊ីវន បានទទួលមរណភាពនៅវ័យ៦៥ឆ្នាំ ដោយបច្ចុប្បន្នសពបានតម្កល់ធ្វើបុណ្យនៅ ភូមិ ចំបក់ ឃុំ វល្លិសរ ស្រុក សំរោងទង ខេត្ត កំពង់ស្ពឺ គ្រោងបូជានៅថ្ងៃស្អែក។ ចំពោះពិធីបុណ្យ៧ថ្ងៃធ្វើនៅថ្ងៃទី២៣ ខែ មករា ឆ្នាំ ២០១៧។

កញ្ញា ទូច មិនាថ បានបោះជំហានចូលសិល្បៈនៅក្នុងអំឡុងឆ្នាំ ២០១១ តាមរយៈការប្រកួតរបស់ក្រុមហ៊ុន BKA Entertainment ដោយនាងបានជាប់ក្នុងជម្រើស ១០នាក់ ចុងក្រោយ។ក្រៅពីតារាសម្ដែង និងម៉ូដែល នាងក៏ជាអ្នកបម្រើការលើយន្តហោះទៀតផង៕