សំ ថារ័ត្ន អៀនខ្លាំងពេលថើបមាត់គ្នាស្រស់ៗ ជាមួយ ហ្សង់ ប៉ូលី

2017-01-23 05:11:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឱកាសដាក់សម្ពោធរឿង "ការពារឧក្រិដ្ឋជន ឬ Jailbreak" ជាផ្លូវការនៅរោងភាពយន្តលេជេន កាលពីពេលថ្មីៗនេះ ឈុតមួយដែលធ្វើឲ្យប្រិយមិត្តភ្ញាក់ផ្អើលពេញរោងកុន គឺនៅពេលដែល សំ ថារ័ត្ន និង ហ្សង់ ប៉ូលី ថើបគ្នាស្ដែងៗតែម្ដង ហើយក្នុងនោះ ថារ័ត្ន ប្រាប់ថានាងអៀនខ្លាំងណាស់។

តារាសម្ដែងស្រីខាងវាយតប់រូបនេះប្រាប់ថា ឈុតថើបមាត់ជាមួយតួប្រុស ហ្សង់ ប៉ូលី នាងសម្ដែងពិតៗ មិនមែនជាបច្ចេកទេសកាត់តឡើយ។ រាល់ដងធ្លាប់តែសម្ដែងវាយតប់ ដល់ពេលប៉ះឈុតស្នេហា ដែលមានក្នុងរឿង "Jailbreak" នេះវិញ នាងថា ខុសច្រើនដង ទើបអាចយកបាន។

នាងបន្តថា ក្នុងឈុតថើបគ្នាជាមួយតួប្រុស ហ្សង់ ប៉ូលី នេះតម្រូវឲ្យនាងហាត់សមច្រើនដង ដើម្បីយល់ចិត្តគ្នា និងធ្វើឲ្យបានល្អ ជាពិសេេសឲ្យមើល ទៅដូចធម្មជាតិ។ ថារ័ត្ន នាងក៏បានធ្វើការសុំទោសជាមុនសម្រាប់ឈុតនេះដែលប្រិយមិត្តមួយចំនួនអាចនឹងមិនពេញចិត្ត ព្រោះថាស្ត្រីខ្មែរមិនគួរធ្វើដូចនេះ តែដោយសាររឿងនេះចង់បង្ហាញថា ស្រីដែលចេះវាយតប់ក៏មានមនោសញ្ចេតនាដែរ។