ទំនាក់ទំនង នាយ ព្រែក និងគូដណ្តឹង ប្រឈមភាពប្រែប្រួលខ្លាំង

2017-01-24 04:48:20
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយ ព្រែក បានលើកឡើងថា ទំនាក់ទំនងលោកពេលនេះជាមួយគូដណ្តឹងខុសប្លែកខ្លាំង ជាងកាលនៅជាសង្សារ ព្រោះតែម្នាក់ៗមានការងារត្រូវបំពេញរៀងៗខ្លួន។

កំលោះសង្ហារកូនតារាកំប្លែងជើងចាស់អ្នកស្រី នួន សារី ហៅ យាយ យ៉យ បន្តថា កាលពួកគេនៅជាសង្សារ នឹងគ្នាមួយអាទិត្យជួបគ្នា៤ ទៅ ៥ដង តែពេលប្តូរពីសង្សារមកជាគូដណ្តឹងវិញមួយអាទិត្យបានជួបគ្នាតែម្តងពេលខ្លះអត់បានជួបក៏មាន ព្រោះលោក និងគូដណ្តឹងប្រឹងប្រែងរកលុយរៀងៗខ្លួនទើបគ្មានពេលវេលាឲ្យគ្នាទៅវិញទៅមក។

“ទំនាក់ទំនងខ្ញុំជាមួយគូដណ្តឹងឥឡូវដូចមិនសូវជិតស្និទ្ធប៉ុន្មានទេ កាលនៅជាសង្សារជិតស្និតគ្នាខ្លាំង តែឥឡូវរាងរយាលបន្តិចបង តែពួកយើងនៅតែស្រឡាញ់គ្នាខ្លាំងដដែលមិនបានផ្លាស់ប្តូនោះទេ"។ នាយ ព្រែក ថ្លែង។

លោកបន្ថែមថា ទោះបីជាពេលនេះលោក និង គូដណ្តឹងមិនសូវមានពេលវេលាគ្រប់គ្រាន់ជួបគ្នាពិតមែន តែទូរស័ព្ទទាក់ទងរកគ្នាជានិច្ច៕

អត្ថបទ៖ ឆុង ស៊ីណាន