ក្មេងសោះ! សោម វីរៈបុត្រ សាក់ស្ទើរពេញខ្លួន

2017-01-30 04:12:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ជួបជាមួយ Sabay ថ្មីៗនេះ សោម វីរៈបុត្រ បានបង្ហាញពីសាក់របស់ខ្លួនដែលមានស្ទើរទាំងពេញខ្លួនទៅហើយ ថែមទាំងមានកន្លែងខ្លះត្រូវបានលុបចេញទៀតផង។

អ្នកចម្រៀងវ័យក្មេងមុខស្រស់នេះ បង្ហាញស្នាមសាក់លើខ្លួនដែលមានទាំងនៅលើ ខ្នងដៃមានពាក្យថា "Mak Mak" ម្រាមដៃ សាក់រូប "បេះដូង ដុល្លារ ឈើឆ្កាង" កំភួនដៃ សាក់ឈ្មោះ "Virak Both" ស្មាសងខាង "រូបមេទ័ព និង ពាក្យ I Love My Family" កញ្ចឹងក អក្សរ "Family" ជើង "រូបបាល់" និង ចង្កេះឈ្មោះអតីតសង្សារ។

វីរៈបុត្រ បញ្ជាក់ថាខ្លួនបានសាក់អស់រយៈពេលមួយឆ្នាំហើយ ដោយឡែករូបសាក់នៅចង្កេះនោះត្រូវបានលុបចោលវិញបន្ទាប់ពីបែកគ្នាជាមួយសង្សារ។ ក្រៅពីនោះតារាវ័យ១៧ឆ្នាំនេះ ប្រាប់ថាមានគម្រោងសាក់កន្លែងផ្សេងទៀតលើដងខ្លួនដូចជាទ្រូងនិងភ្លៅ ប៉ុន្តែមិនទាន់នឹកឃើញរូបដែលត្រូវសាក់។

យ៉ាងណាក៏ដោយម្ចាស់បទ "សុំបានទេ"ខាងលើ ប្រាប់ថាលោកមិនមានការព្រួយបារម្ភពី ការរិះគន់ពីទស្សនិកជនឡើយ ត្បិតអីមនុស្សមានចំណូលចិត្តរៀងៗខ្លួន។ ក្នុងនោះ វីរៈបុត្រ បន្តទៀតថាគ្រួសារមិនបានបន្ទោសរឿងសាក់នេះដែរ ហើយក៏សំណូមពរទៅដល់បងប្អូនទាំងអស់គ្នា កុំគិតថាអ្នកមានសាក់សុទ្ធតែជាមនុស្សអាក្រក់អី៕