ចាប់ពីថ្ងៃ១មេសា គ្រូបង្រៀន មន្ត្រីរាជការ នឹងទទួលបានប្រាក់ម៉ោងបន្ថែមថ្មីសម្រាប់ការបង្រៀន

2017-01-31 04:49:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អនុក្រឹត្យស្ដីពីការកម្រិតរបបម៉ោងកំណត់ ម៉ោងបន្ថែម និង ប្រាក់ម៉ោងបន្ថែមសម្រាប់ការបង្រៀនក្នុងគ្រឹះស្ថានសិក្សាសាធារណៈត្រូវបានចុះហត្ថលេខាដោយ ប្រមុខរាជរដ្ឋាភិបាលកម្ពុជា កាលពីថ្ងៃ ៣០ មករា ឆ្នាំ២០១៧ ម្សិលមិញនេះ។

អនុក្រឹត្យនេះមានគោលបំណងកម្រិតរបបម៉ោងកំណត់ ម៉ោងបន្ថែម និង ប្រាក់ម៉ោងបន្ថែមសម្រាប់សាស្ត្រាចារ្យ គ្រូបង្រៀន មន្ត្រីរាជការ ឬ អ្នកឯកទេសផ្សេងទៀតដែលបង្រៀន បំពេញការងារគរុកោសល្យ បំពេញការងារដែលពាក់ព័ន្ធនឹងការបង្រៀននៅក្នុងវិស័យអប់រំ រឺ បណ្ដុះបណ្ដាលបច្ចេកទេស វិជ្ជាជីវៈតាមគ្រឹះស្ថានសិក្សាសាធារណៈនានា ដោយស្របតាមអាទិភាពដែលបានកំណត់ដោយរាជរដ្ឋាភិបាល និង ស្របតាមលទ្ធភាពនៃថវិកាជាតិ។

អនុក្រឹត្យនេះនឹងត្រូវចាប់ផ្ដើមអនុវត្តពីថ្ងៃទី ១ មេសា ២០១៧ ខាងមុខនេះ ហើយមានវិសាលភាពអនុវត្តលើគ្រប់គ្រឹះស្ថានសាធារណៈទាំងអស់ ដែលកំពុងស្ថិតក្រោមឱវាទក្រសួងអប់រំ យុវជន និង កីឡា នាពេលបច្ចុប្បន្ន ។

សូមបញ្ជាក់ផងដែរ ម៉ោងកំណត់គឺសំដៅដល់ចំនួនម៉ោងក្នុងមួយសប្ដាហ៍ របស់សាស្ត្រាចារ្យ គ្រូបង្រៀន មន្ត្រីរាជការ រឺ អ្នកឯកទេសផ្សេងទៀត ដែលមានភារកិច្ចបង្រៀន រឺ បំពេញការងារគរុកោសល្យ ព្រមទាំងការងារពាក់ព័ន្ធផ្សេងៗជាមួយការបង្រៀននៅតាមគ្រឹះស្ថានសិក្សាសាធារណៈរបស់រដ្ឋ។ ចំណែកម៉ោងបន្ថែមវិញគឺ សំដៅដល់ចំនួនម៉ោង ដែលរូបគាត់បានបំពេញលើសពីចំនួនម៉ោងកំណត់។

ព័ត៌មានលម្អិតសូមចូលទៅកាន់តំណភ្ជាប់ខាងក្រោម៖

(សូមចុចត្រង់នេះដើម្បីទាញយកឯកសារដើម)

(ឫចុចតំណភ្ជាប់មួយនេះ)

អត្ថបទ៖ ចន្ថា

ប្រភព៖ ក្រសួងអប់រំ យុវជន និង កិឡា