គ្រូតាក្រមាមាស សាន គឹមស៊ាន នឹងបោះពុម្ព «គម្ពីក្បាច់គុនល្បុក្កតោ»ខែនេះដើម្បី...

2017-02-01 07:08:55
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូតាក្រមាមាស សាន គឹមស៊ាន ព្រឹទ្ធាចារ្យកីឡាល្បុក្កតោបានអះអាងថា ក្នុងខែកុម្ភៈ ឆ្នាំ២០១៧ នេះ នឹងបោះពុម្ពសៀវភៅក្បាច់គុនល្បុក្កតោជាភាសាខ្មែរដំណាក់កាលទី១ មានជាង១០០ក្បាច់ដែលធ្វើឲ្យប្រជាពលរដ្ឋអាចមើល និងហ្វឹកហាត់ដោយខ្លួនឯងបាន។

លោក សាន គឹមស៊ាន

លោក សាន គឹមស៊ាន ប្រាប់ថា ពេលវេលាជាក់លាក់បោះពុម្ពមិនទាន់ច្បាស់នៅឡើយទេ ប៉ុន្តែកំណត់យ៉ាងយូរបំផុតត្រឹមខែកុម្ភៈ ឆ្នាំ២០១៧នេះនឹងបោះពុម្ពចេញលក់ឲ្យបានរួចរាល់។ ចំពោះតម្លៃគឺថោកសមរម្យ ពីព្រោះជាការចាប់ផ្ដើមដំបូង។ ដំណាក់កាលទី១ នេះប្រសិនបើមានការគាំទ្រច្រើន នឹងមានការបោះពុម្ពជាបន្តបន្ទាប់ទៀត។ សម្រាប់សៀវភៅក្បាច់គុនល្បុក្កតោនេះ អ្នកមានទេពកោសល្យគ្រាន់តែអាន និងមើលរូបភាព អាចយល់បាន៥០% ខណៈអ្នកធ្លាប់ហាត់ល្បុក្កតោអាចរៀនដោយខ្លួនឯងបានយ៉ាងស្រួល។

លោកបន្ថែមថា ដើម្បីលើកកម្ពស់ក្បាច់គុនបុរាណខ្មែរមួយនេះ និងចង់រក្សាក្បាច់គុនកេរ្តិ៍ពីដូនតាមួយនេះ ដូច្នេះហើយទើបបានជារៀបចំក្រង និងបោះពុម្ពជាសៀវភៅ។ ជាងនេះទៅទៀត សៀវភៅនេះអាចឲ្យប្រទេសផ្សេងៗចាប់អារម្មណ៍ និងស្គាល់ពីក្បាច់គុនខ្មែរពិតប្រាកដ។

ក្បាច់គុនល្បុក្កតោ បានរៀបចំបញ្ជូនឯកសារទៅអង្គការ UNESCO ដើម្បីដាក់បញ្ចូលជាសម្បត្តិបេតិកភណ្ឌពិភពរួចរាល់ហើយ ប៉ុន្តែខែមីនា ឆ្នាំ២០១៧ខាងមុខនេះទើបទទួលបានលទ្ធផល៕