វីរបុរសអាល្លឺម៉ង់ Philipp Lahm ប្រកាសចូលនិវត្តន៍ ពីពិភពបាល់ទាត់

2017-02-08 03:28:52
ចំនួនមតិ 0 | ចំនួនចែករំលែក 0

ចន្លោះមិនឃើញ

វីរបុរសក្រុមជម្រើសជាតិឥន្ទ្រីដែកអាល្លឺម៉ង់ Philipp Lahm និងជាប្រធានក្រុម Bayern Munich បានប្រកាសយប់មិញថា នឹងចូលនិវត្តន៍ពីពិភពបាល់ទាត់ នៅចប់រដូវកាលនេះហើយ។

Philipp Lahm អតីតប្រធានក្រុមជម្រើសជាតិអាល្លឺម៉ង់

បន្ទាប់ពីជួយ Bayern ឈ្នះ Wolfsburg ១-០ នៅ German Cup វគ្គ១៦ក្រុមយប់មិញ កីឡាករវ័យ៣៣ឆ្នាំ បាននិយាយថា៖ "ខ្ញុំនឹងបញ្ចប់អាជីពជាកីឡាករបាល់ទាត់ នៅចប់រដូវកាលនេះ។ ខ្ញុំបានពិចារណាចូលនិវត្តន៍ ជាង១ឆ្នាំមកហើយ។ ខ្ញុំបានជូនដំណឹងដល់ក្លឹបពីការសម្រេចចិត្តរបស់ខ្ញុំ។ ខ្ញុំអាចបន្តធ្វើជាអ្នកដឹកនាំក្រុម ដោយព្យាយាមហ្វឹកហាត់ និងលេងឲ្យបានល្អបំផុត រហូតដល់ចប់រដូវកាលនេះ”។

Lahm លេងឲ្យក្រុម Bayern តាំងពីតូច និងជាប់ឈុតធំ តាំងពីឆ្នាំ២០០២។ ខ្សែការពារស្ដាំរូបនេះ បង្ហាញខ្លួនឲ្យ Bayern សរុប៥០១ប្រកួត ឈ្នះពាន Bundesliga ៧, German Cups ៦ និង UEFA Champions League ១ដង។ រីឯនៅជម្រើសជាតិវិញ Lahm លេងបាន១១៣ប្រកួត និងជាប្រធានក្រុមដ៏ឆ្នើម ដែលជួយឲ្យក្រុមឥន្ទ្រីដែកអាល្លឺម៉ង់ លើកពាន FIFA World Cup កាលឆ្នាំ២០១៤ ផងដែរ៕

ប្រភព៖ BBC ប្រែសម្រួល៖ វិន ជីវ័ន្ត