ឡូយ! U17 និង U15 សាលាបាទីប៉ះយុវជនតៃប៉ិ មុនចេញទៅជប៉ុន និងថៃ

2017-02-10 04:02:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់យុវជនសាលាបាល់ទាត់បាទីអាយុក្រោម១៧ឆ្នាំ នឹងប្រកួតមិត្តភាពអន្តរជាតិជាមួយក្រុមបាល់ទាត់ U16 របស់ក្រុមជម្រើសជាតិឆៃនីសតៃប៉ិ វេលាម៉ោង៤:០០ល្ងាច ថ្ងៃទី១០ ខែកុម្ភៈ ខណៈក្រុមយុវជនបាទីអាយុក្រោម១៥ឆ្នាំ ត្រូវជួបក្រុម U15 ឆៃនីសតៃប៉ិ វេលាម៉ោង២:០០រសៀលនេះនៅទីលានសាលាបាល់ទាត់ជាតិបាទីខេត្តតាកែវ។

ក្រុម U-16 ឆ្នាំមុន ដែលឡើងមកលេង U-17 ឆ្នាំនេះ

នេះជាការប្រកួតរបស់យុវជនថ្នាលសាលាបាល់ទាត់បាទីមុនពេលចេញដំណើរទៅហ្វឹកហាត់នៅក្រៅប្រទេស។ យុវជនក្រោមអាយុ១៧ ឆ្នាំសាលាបាល់ទាត់បាទីនឹងចេញទៅហ្វឹកហាត់នៅជប៉ុននាពាក់កណ្ដាលខែមីនាខាងមុខ។ ចំណែកក្រុមយុវជនក្រោមអាយុ១៥ វិញ នឹងធ្វើដំណើរទៅហ្វឹកហាត់នៅប្រទេសថៃនាកំឡុងពាក់កណ្ដាលខែមីនាដូចគ្នា។

ការប្រកួតបាល់ទាត់មិត្តភាពអន្តរជាតិជាមួយឆៃនីសតៃប៉ិនេះ ដើម្បីដងស្រង់បទពិសោធន៍ និងស្វែងយល់ចំណុចខ្វះខាតរបស់យុវជនកម្ពុជាទាំងពីរក្រុម ជាការត្រៀមខ្លួនចេញទៅហ្វឹកហាត់បន្ថែមនៅប្រទេសទាំងពីរខាងលើ៕

អត្ថបទ៖ ស្រី សុវណ្ណដារ៉ា