តួប្រុស "កំណត់ហេតុនាងនាថ" ប្រាប់អារម្មណ៍ពេលឃើញកូនក្រមុំកាល ៤ឆ្នាំមុន

2017-02-13 05:29:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ឌីយ៉ាម៉ង់ តួប្រុសក្នុងរឿង "កំណត់ហេតុនាងនាថ" ក៏ជាសមាជិកក្នុងក្រុមចម្រៀង De5nite បានចូលរោងការហើយកាលពីយប់មិញនៅទីក្រុង កោះពេជ្រ មិនត្រឹមតែប៉ុណ្ណោះលោកបានរំលឹករឿង៤ឆ្នាំមុនជាមួយភរិយាផងដែរ។

លោកបន្តថា ដំបូងលោកជាអ្នកបង្ហាត់រាំ ទៅបង្ហាត់មិត្តភក្ដិនៅសាលាអន្តរជាតិសង្ហិបុរី (SIS) ហើយពេលនោះកូនក្រមុំរបស់លោករៀននៅសាលានោះផ្ទាល់តែម្ដង ចាប់ពីពេលនោះមកអ្នកទាំងពីរឧស្សាហ៍ជួបមុខគ្នាញឹកញាប់ ហើយក៏ចាប់ស្វែងយល់ចិត្តគ្នាតាំងពីពេលនោះមក។

"៤ឆ្នាំមុនខ្ញុំឃើញគាត់ពេលខ្ញុំទៅ SIS ខ្ញុំផ្អើលគាត់តាស ព្រោះគាត់ពាក់ លេន (Lens) ពណ៌ខៀវ ពេលខ្លះពណ៌បៃតងដូចមនុស្សចម្លែក។ តែគាត់ក៏ថាឲ្យខ្ញុំវិញរហូតដែរ ព្រោះជំនាន់ហ្នឹងខ្ញុំធ្វើសក់ប៉ះរហូត" លោក បន្ត។

ម្ចាស់បទ "មនុស្សបេះដូងថ្ម" បន្ថែមទៀតថា ទោះបីជាលោករៀបការហើយពិតមែនតែ អាជីពសិល្បៈលោកមិនបោះបង់ជាដាច់ខាត មិនថាច្រៀង ឬ សម្ដែងនោះទេ ហើយកាលដែលលោកបើកចំហររឿងរៀបការព្រោះលោកយល់ថាជាការឲ្យតម្លៃនិងយកចិត្តទុក្ខដាក់រវាងមនុស្សដែលលោកស្រលាញ់៕

អត្ថបទ៖ Samedy

រូបផ្ដល់ដោយ៖ ឌីយ៉ាម៉ង់