ធនាគារ ស្ថាបនា ប្រកាសប្ដូរ Logo របស់ខ្លួនឆាប់ៗនេះ

2017-02-24 11:43:58
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមសេចក្ដីប្រកាសព័ត៌មានមួយ ដែលទើបបង្ហោះលើបណ្ដាញសង្គមប៉ុន្មាននាទីមុននេះ ធនាគារ ស្ថាបនា ភីអិលស៊ី ដែលត្រូវជាបុត្រសម្ព័ន្ធរបស់ MARUHAN Japan Group បានបញ្ជាក់ថានឹងប្ដូរ Logo (និមិត្តសញ្ញា) របស់ខ្លួនក្នុងពេលឆាប់ៗខាងមុខ ដោយបច្ចុប្បន្នកំពុងសិក្សាឲ្យបានច្បាស់។

Logo បច្ចុប្បន្នរបស់ ធនាគារ ស្ថាបនា ភីអិលស៊ី

ធនាគារ ស្ថាបនា ភីអិលស៊ី គឺជាគ្រឹះស្ថានហិរញ្ញវត្ថុឯកជនទី៣ ដែលត្រូវផ្លាស់ប្ដូរ Logo របស់ខ្លួន ដើម្បីកុំឲ្យច្រឡំជាមួយស្ថាប័នរដ្ឋ។ កន្លងមក ស្ថាប័នហិរញ្ញវត្ថុធំ២ ដែលត្រូវបានណែនាំឲ្យប្ដូរ Logo (និមិត្តសញ្ញា) របស់ខ្លួន និងកំពុងផ្លាស់ប្ដូរ។ ក្នុងនោះ មានធនាគារអេស៊ីលីដា កំពុងដំណើរការប្ដូរ ដែលត្រូវចំណាយទឹកប្រាក់ប្រមាណជាង ៣លានដុល្លារ។ ចំណែក គ្រឹះស្ថានមីក្រូហិរញ្ញវត្ថុ ប្រាសាក់ ត្រូវបានសម្ដេចតេជោ ហ៊ុន សែន ប្រាប់ឲ្យប្ដូរ Logo បន្ទាន់កាលពីពេលថ្មីៗនេះ ដោយត្រូវចំណាយទឹកប្រាក់ក្នុងរង្វង់ប្រមាណ ១លានដុល្លារ។

កាលពីថ្ងៃទី២១ កុម្ភៈកន្លងទៅ ធនាគារជាតិនៃកម្ពុជា បានចេញសេចក្ដីជូនដំណឹងមួយ ដោយស្នើគ្រប់គ្រឹះស្ថានធនាគារ និងហិរញ្ញវត្ថុ ព្រមទាំងប្រតិបត្តិករមីក្រូហិរញ្ញវត្ថុ ដែលមាន Logo (និមិត្តសញ្ញា) ស្រដៀងក្រសួង-ស្ថាប័នរដ្ឋ ដូចជាមានរូប “៛” ឬរូប “សឹង្ហ” ជាដើម ធ្វើការផ្លាស់ប្ដូរចេញ ដើម្បីកុំឲ្យប្រជាពលរដ្ឋយល់ច្រឡំថាជារបស់រដ្ឋ។

ធនាគារជាតិបានបញ្ជាក់តាមសេចក្ដីជូនដំណឹងនោះថា ជាក់ស្តែង គ្រឹះស្ថានទាំងនោះ គឺជាគ្រឹះស្ថានឯកជន ធ្វើអាជីវកម្មរកប្រាក់ចំណេញ ។ ដូច្នេះរាល់ការខ្ចីប្រាក់ ត្រូវធ្វើឡើងដោយប្រុងប្រយ័ត្ន និងប្រើប្រាស់តាមគោលដៅ ព្រោះរាល់ការខ្ចី ត្រូវសងវិញតាមលក្ខខណ្ឌក្នុងកិច្ចសន្យាដែលមានសុពលភាពផ្លូវច្បាប់។

ម៉្យាងវិញទៀត ធនាគារជាតិនៃកម្ពុជា តម្រូវឱ្យគ្រឹះស្ថានធនាគារនិងមីក្រូហិរញ្ញវត្ថុ និងប្រតិបត្តិករមីក្រូហិរញ្ញវត្ថុទាំងអស់ ប្ដូរនិមិត្តសញ្ញា (Logo) ដែលមានលក្ខណៈស្រដៀងគ្នានឹងនិមិត្តសញ្ញារបស់ស្ថាប័នរដ្ឋ ដូចជា រូប “៛” “រូបសឹង្ហ” ជាដើម ដែលអាចនាំឱ្យមានការភាន់ច្រឡំថាគ្រឹះស្ថានទាំងនោះ ជាគ្រឹះស្ថានរបស់រដ្ឋ៕

អត្ថបទ៖ គង់ វិសាល

ពាក្យទាក់ទង

ព័ត៌មានសង្គម សេដ្ឋកិច្ច

អត្ថបទពេញនិយម

កំពូលយុទ្ធសាស្ដ្រ ស៊ីន យូប៊ីន បង្ហាញអត្ដសញ្ញាណខ្មែរ ដោយផ្ញើអាហារខ្មែរដល់តារាល្បីៗលំដាប់ពិភព

Pep ឆ្លើយបែបនេះពេលសួរពីគម្រោងអនាគតជាមួយ Manchester City

តើកីឡាកររូបណាស៊ុតបានច្រើនជាងគេនៅ UCL 24/25 គិតត្រឹមបញ្ចប់វគ្គ Play Off ?

Mo Salah ថា Haaland ស្រួលបំបែកកំណត់ត្រាជាងខ្លួនដែលជាខ្សែបម្រើស្លាប

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

កសិទេសចរណ៍ ស្រែអំបិលកែប ពិតជាស្រស់ស្អាត សម្រាប់ការថតរូប និងវីដេអូ អង្រួនចិត្តចង់ទៅកម្សាន្ត

អត្ថបទថ្មី

Mo Salah ថា Haaland ស្រួលបំបែកកំណត់ត្រាជាងខ្លួនដែលជាខ្សែបម្រើស្លាប

គម្រោងបុរី អឹមអិល ពង្រីកខ្លួនមកកាន់តំបន់ពាណិជ្ជកម្ម នៃសក្តានុពលកណ្តាលរាជធានីភ្នំពេញ

អាមេរិក បន្តជំនួយ ដល់ អង្គការស៊ីម៉ាក់ សម្រាប់ បោសសម្អាតគ្រាប់មីន និង សំណល់យុទ្ធភណ្ឌសង្គ្រាម

Lamine Yamal ៖ គ្មានថ្ងៃខ្ញុំលេងឲ្យ Real Madrid ទេ