យាយ ណយ សំណាង ម្ដាយតារាចម្រៀង វណ្ណា ស័ក្ដ ត្រូវដឹកចូលពេទ្យ

2017-02-25 05:06:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងផលិតកម្ម M វណ្ណា ស័ក្ដ បានបញ្ចេញសារមិនសប្បាយចិត្តលើបណ្ដាញសង្គម ដោយសារលោកយាយ ណយ សំណាង ជាម្ដាយ ធ្លាក់ខ្លួនឈឺដឹកចូលមន្ទីរពេទ្យថ្មីៗ។

រូបភាព៖ហ្វេសប៊ុក វណ្ណា ស័ក្ដ

តាមរូបភាពដែលចែកចាយដោយសាមីខ្លួនផ្ទាល់ យាយ ណាង ដែលជាតារាកំប្លែង និងអ្នកចម្រៀងអាយ៉ៃ ល្បីឈ្មោះមួយរូប កំពុងស្ថិតលើគ្រែមន្ទីរពេទ្យ និងបិទបន្ទះបន្ថយកម្ដៅលើថ្ងាសក្នុងសភាពជាអ្នកជំងឺ។

ជាមួយរូបនោះ វណ្ណា ស័ក្ដ បានឲ្យដឹងថា ដោយសារក្ដីបារម្ភ គ្រាន់តែចេញពីធ្វើការភ្លាម លោកប្រញាប់មកមើលអ្នកម្ដាយភ្លាមតែម្ដង។ "ចេញពីកន្លែងធ្វើការប្រញាប់មកមើលម៉ាក់ឈឺនៅពេទ្យ តែឥឡូវម៉ាក់សម្រាន្តបានលក់ស្រួលហើយ...សូមអោយទេវតានិងវត្ថុស័ក្ដិសិទ្ធិទាំងអស់ជួយតាមថែរក្សាម៉ាក់អោយជាពីជំងឺទាំងឡាយផងចុះ...កូនស្រលាញ់ម៉ាក់ណាស់"។

ព្រមជាមួយនោះ ប្រិយមិត្តជាច្រើនបានចូលមកជូនពរ និងសាកសួរសុខទុក្ខ។ យ៉ាងណា ក្រៅពីអរគុណ តារាចម្រៀង វណ្ណា ស័ក្ដ មិនបានបញ្ចេញឲ្យដឹងថា ម្ដាយលោកមានជំងឺអ្វីពិតប្រាកដឡើយ។ បន្ថែមពីលើនេះ តារាចម្រៀងដែលមានអតីតភាពជាអ្នករាំអមឆាករូបនេះ មិនទាន់អាចទំនាក់ទំនងសុំការអធិប្បាយលម្អិតនៅឡើយ៕

អត្ថបទ៖ ទារិកា