មុន​នេះ​បន្តិច​ក្នុង​កម្មវិធី​សមាជ​ទូរសព្ទ​ពិភពលោក ​ Sony បាន​ប្រកាស​ចេញ​ស្មាតហ្វូន​ជំនាន់​ថ្មី​ម៉ូដែល​ Xperia XZ Premium ​ដែល​មាន​បំពាក់​កាមេរ៉ា​អាច​ថត​វីដេអូ​បាន​ខ្លាំង​ជាង​ស្មាតហ្វូន​ណា​ណា​ទាំង​អស់។

កាមេរ៉ា​លើ​ XZ Premium មាន​កម្រិត​ ១៩ MP ​ដែល​មាន​បច្ចេកវិទ្យា​ Hybrid autofocus ​អាច​ Focus រូបភាព​ក្នុង​ពេល​ត្រឹម​ ០,០៣ វិនាទី​ប៉ុណ្ណោះ។ ចំណែក​ឯ​​បច្ចេកវិទ្យា​ SteadyShot ​ជួយ​​កាត់​បន្ថយ​រំ​ញ័រ​​រូបភាព​បាន​យ៉ាង​ឡូយ​នៅ​ពេល​ថត​ដោយ​កាន់​នឹង​ដៃ​​។

XZ Premium ក៏​មាន​សមត្ថភាព​អាច​ថត​វីដេអូ​​ដែល​មាន​សកម្មភាព​កំពូល​យឺត​​​ Super Slow-Motion វីដេអូ​ក្នុង​ល្បឿន​ ៩៦០ ប្លង់/វិនាទី។ ទូរសព្ទ​កំពូលៗ​នា​ពេល​បច្ចុប្បន្ន​អាច​ថត​បាន​ត្រឹម​ ២៤០ ប្លង់/វិនាទី​ប៉ុណ្ណោះ។

ចំណុច​គួរ​ចាប់​អារម្មណ៍​មួយ​ទៀត​គឺ​ XZ Premium មាន​បំពាក់​ដោយ​បន្ទះ​ឈីប​ Snapdragon 835 ជា​បន្ទះ​ឈីប​ជំនាន់​ចុង​ក្រោយ​បង្អស់​ និង មាន​ RAM ទំហំ​ដល់​ 4 GB។ ប៉ុន្តែ​ការ​បញ្ចេញ​លក់​ជា​ផ្លូវ​ការ​នឹង​ធ្វើ​ឡើង​នៅ​​អំឡុង​​​​ដើម​​​​ខែ ឬ ចុង​ខែ​ឧសភា ស្រប​ពេល​ដែល​តម្លៃ​មិន​ទាន់​ដឹង​នៅ​ឡើយ។

ខាង​ក្រោម​ជា​លក្ខណៈ​សម្បត្តិ​លម្អិត​របស់​ XZ Premium ៖

@ អេក្រង់ ៖ ៥,៥ អ៊ីញ, កម្រិត 4K (2160x3840p) HDR

@ វិមាត្រ ៖ ១៥៦x៧៧x៧,៩ ម.ម

@ ម៉ាស៊ីន ៖ Qualcomm Snapdragon 835, RAM 4 GB

@ អង្គផ្ទុកទិន្នន័យ ៖ 64 GB + រន្ធ​សម្រាប់ដោតមេមូរីកាត

@ កាមេរ៉ា ៖ ក្រោយ ១៩ MP អាច​ថត​វីដេអូ​ 4K និង ខាងមុខ ១៣ MP ប្រភេទ​ Wide Angle

@ ថ្ម ៖ ៣២៣០ mAh

@ ប្រព័ន្ធ​ប្រតិបត្តិការ ៖ Android 7.1 Nougat

@ មុខងារពិសេស ៖ បច្ចេកវិទ្យាធន់នឹងទឹក IP68

​​​​​​​​

ប្រភព៖ PhoneArena   ប្រែ​សម្រួល៖ សុខហេង