ឱកាស សិស្ស-និស្សិត អាចទស្សនារឿង ខ្មែរ និងបរទេសដោយឥតគិតថ្លៃ បានមកដល់ហើយ

2017-03-06 07:12:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកនាង គឹម សោភា ប្រធានផ្នែកគ្រប់គ្រង បានលើកឡើងថា ចំពោះសិស្សនិស្សិតដែលពុំមានលទ្ធភាពអាចចូលទស្សនាខ្សែភាពយន្តខ្មែរ ៨ រឿង និងបរទេស១៣០ ចំណងជើងដោយឥតគិតថ្លៃនៅរោងភាពយន្តទំនើបៗក្នុងរាជធានីភ្នំពេញចាប់ពីថ្ងៃទី៤ ដល់ថ្ងៃទី៩ មីនា ឆ្នាំ ២០១៧ ដែលរៀបចំដោយសាលមហាស្រពភាពយន្តអន្តរជាតិ (CIFF) ។

ប្រធានផ្នែកគ្រប់គ្រងទូទៅនៅមហាស្រពភាពយន្តអន្តរជាតិបានរៀបរាប់ថា ភាពយន្តខ្មែរ និងបរទេសដែលដាក់បញ្ចាំងនៅតាមរោងកុនក្នុងទីក្រុងភ្នំពេញតម្លៃសំបុត្រចូលទស្សនា ៥០០០រៀល(ប្រាំពាន់រៀល)។ តែបើទស្សនិកជនចង់ទស្សនាឲ្យបានគ្រប់រឿងដែលមកពី៣៥ ប្រទេសចំណាយអស់ត្រឹមតែ ៥០០០០(ប្រាំម៉ឺនរៀល) ប៉ុណ្ណោះអាចចូលមើលរឿងទាំងអស់បានហើយ។

“ចាសដោយឡែកសម្រាប់សិស្សនិស្សិតដែលពួកគាត់ពុំមានលទ្ធភាពខាងយើងឲ្យពួកគាត់ចូលមើលបានដោយឥតគិតថ្លៃ ឧទាហរណ៍ ក្នុងរោងកុនមាន ៣០០កៅអីយើងចែកជូនពួកគាត់ ១៥០ កៅអី និង១៥០កៅអីទៀត សម្រាប់អ្នកដែលមានលិទ្ធភាពទិញសំបុត្រចូលទស្សនា"។ អ្នកនាង គឺម សោភា និយាយ៕