កែវ រំចង់ ក្លាយជាគ្រូដឹកនាំក្រុមបាល់ទាត់ប្រជែងយកពាន Soccer League

2017-03-09 06:45:26
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងជួរមុខប្រចាំប្រទេស កែវ រំចង់ បង្ហាញមុខជាថ្មីម្ដងទៀតហើយ តែលើកនេះគឺនាំកូនក្រុមបាល់ទាត់ Mix Sport FC ដើម្បីប្រកួតប្រជែងយកពានរង្វាន់បាល់ទាត់ Soccer League បាត់ដំបង។

ក្រុមបាល់ទាត់ Mix Sport FC របស់ កែវ រំចង់ ក្រហម

បើតាមការឲ្យដឹងពីកីឡាករ កែវ រំចង់ ក្រុមបាល់ទាត់របស់គេមានឈ្មោះថា Mix Sport FC មានសមាជិក ១៦នាក់ ហើយកំពុងត្រៀមចាំថ្ងៃប្រកួតក្នុងពានរង្វាន់ Soccer League បាត់ដំបង នាប៉ុន្មានថ្ងៃខាងមុននេះ។ អ្នកប្រដាល់ល្បីឈ្មោះរូបនេះ រំពឹងខ្ពស់ថាក្រុមរបស់ខ្លួននឹងទទួលបានចំណាត់ថ្នាក់ល្អណាមួយ ព្រោះសមាជិកក្រុមនិមួយៗលេងយល់ចិត្តគ្នាបានល្អ ហើយពិសេសទៀតនោះក្រុមរបស់គេមានខ្សែការពាររឹងមាំទៀតផង។

លោក ថោ សេដ្ឋា មន្ត្រីរៀបចំការប្រកួតបានឲ្យដឹងដែរថា ក្រុមចូលរួមទាំងអស់មាន ៣២ក្រុម និងចែកជា៨ពូល។ តែដោយក្រុមដាក់ពាក្យចូលរួមច្រើនទើបតម្រូវឲ្យប្រកួតជម្រុះ សម្រាប់ក្រុមណាដែលមិនជាប់ពេលចាប់ឆ្នោតចែកពួល។ នៅពេលរកឃើញ៨ក្រុម ដែលឈ្នះវគ្គជម្រុះហើយទើបយកទៅបញ្ចូលបង្គ្របក្នុងពូលនិមួយៗ រួចទើបធ្វើការប្រកួតប្រជែងរកជើងឯកតែម្ដង។

ពានរង្វាន់ Soccer League បាត់ដំបង

Soccer League បាត់ដំបង នេះប្រកួតមានរយៈពេល ១ខែ ចាប់ផ្ដើមប្រកួតជម្រុះតាំងពីថ្ងៃថ្ងៃទី៨ ខែមិនា ឆ្នាំ ២០១៧ម្សិលមិញ រហូតដល់ ថ្ងៃទី៨ ខែមេសា ទើបបញ្ចប់។ ក្រុមជើងឯក ទទួលបាន ពានរង្វាន់១ មេដាយ១ ទឹកប្រាក់ ៦លានរៀល លេខ២ មេដាយ១ ទឹកប្រាក់ ៤លានរៀល លេខ៣ មេដាយ១ ទឹកប្រាក់ ២លានរៀល និងលេខ៤ ទឹកប្រាក់ ១លានរៀល៕

អត្ថបទ៖ នួន ស៊ីណា