ឡើងកូដភ្លាមតារាល្បីៗ ប្ដូររថយន្តហូរហែនៅដើមឆ្នាំ២០១៧

2017-03-13 23:18:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែភាពល្បីល្បាញជាមួយនឹងអាជីពចម្រៀង និងសម្ដែងបានធ្វើឲ្យតារាចម្រៀងប្រុសស្រីមួយចំនួនមានឱកាសផ្លាស់ប្ដូររថយន្តថ្មីជាបន្តបន្ទាប់នៅដើមឆ្នាំ២០១៧នេះ។

ថ្ងៃនេះ Sabay សូមលើកយកមកបង្ហាញតារាចម្រៀង និងសម្ដែងប្រុសស្រីទាំង៥រូបដែលប្ដូររថយន្តនៅដើមឆ្នាំ ២០១៧ នេះរួមមាន៖

ម្ចាស់ពាន Cambodian Idol រដូវកាលទី១លោក នី រតនា ប្ដូររថយន្ត Toyota Camry 2005 មកជិះរថយន្តម៉ាក Luxus Rx350 ក្នុងតម្លៃ៦៣០០០ដុល្លារ ដើម្បីងាយស្រួលធ្វើដំណើរទៅតាមបណ្ដាខេត្ត។

ចំណែកឯតារាចម្រៀងមកពីខេត្តបាត់ដំបង លោក ម៉ៅ ហាជី វិញបានប្ដូររថយន្ត Highlander មកជិះរថយន្តម៉ាក Tundra ក្នុងតម្លៃជាង៣០០០០ ដុល្លារ(ជាងបីម៉ឺនដុល្លារ) ។

ងាកមកចាប់អារម្មណ៍ជាមួយតួឯកស្រីក្នុងរឿង "ហង្សបាក់ស្លាប" កញ្ញា ដួង ម៉ានិច្ច ឯណេះវិញក៏មិនណយប៉ុន្មានដែរនាងបានលក់រថយន្ត Camry Balen ចេញ ហើយមកទិញរថយន្តម៉ាក Camry Hybrid ក្នុងតម្លៃ ២៨០០០ ដុល្លារ(ពីរម៉ឺនប្រាំបីពាន់ដុល្លារ)។

រីឯតារាចម្រៀងមកពីខេត្តបន្ទាយមានជ័យ លោក ពេជ្រ ថាណា បានប្ដូររថយន្ត Highlander មកជិះរថយន្ត Luxus Rx 330 ក្នុងតម្លៃ ៣០០០០ ដុល្លារ (បីម៉ឺនដុល្លារ)។

ត្រឡប់មកកាន់ផលិតករវ័យក្មេងលោក ឡេង ណាវ៉ាត់ត្រា បានទិញរថយន្តម៉ាក Luxus 570 មួយគ្រឿងក្នុងតម្លៃ ៨៧០០០ ដុល្លារ (ប្រាំបីម៉ឺនប្រាំពីពាន់ដុល្លារ) បន្ថែមពីលើរថយន្ត Tundra ដែលកំពុងប្រើប្រាស់រាល់ថ្ងៃ។