ម្ហូបថៃរសជាតិដើម ចម្អិនដោយចុងភៅជនជាតិថៃនៅអូត្រេះ ក្រុងព្រះសីហនុ

2017-03-14 02:37:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ផាត់ថៃ បុកល្ហុង តុងយ៉ាំ... រសជាតិអាហារថៃ ដែលមានការពេញនិយមយ៉ាងខ្លាំងពីសំណាក់ប្រជាជនថៃ និងបរទេស ក៏ដូចជាប្រជាជនខ្មែរ។

ធ្លាប់ឮថាអ្នកខ្លះដើម្បីញ៉ាំម្ហូបថៃ សុខចិត្តជិះឡាន ជិះយន្តហោះទៅបាងកកដើម្បីរកឲ្យបានម្ហូបថៃរសជាតិដើមពិត។ ប៉ុន្តែខណៈនេះ អ្នកមិនចាំបាច់ធ្វើដំណើរទៅក្រៅប្រទេសដូចកាលពីមុនទៀតឡើយ ដោយគ្រាន់តែមកកាន់ក្រុងព្រះសីហនុ និងឆ្ពោះទៅកាន់តំបន់អូត្រេះដែលមានចម្ងាយប្រមាណជា ៤គីឡូម៉ែត្រពីទីប្រជុំជន នោះអ្នកនឹងទទួលអាហារដ៏ឆ្ងាញ់ដូចក្តីរំពឹងទុកមិនខាន។

សម្រាប់អ្នកដែលមានបំណងចង់សម្រាកកម្សាន្តនៅទីស្ងប់ស្ងាត់ និងមានមនុស្សតិចជាងទីប្រជុំជន អាចធ្វើដំណើរមកអូត្រេះ។ ភោជនីយដ្ឋាន Green Lantern Thai Restaurant ទើបតែបើកដំណើរការកាលពីខែតុលា ឆ្នាំ២០១៦កន្លងទៅនេះ ដែលមានចុងភៅជនជាតិថៃមានបទពិសោធន៍ក្នុងការចម្អិនអាហារថៃ និងបរទេសយ៉ាងឆ្ងាញ់ពិសារ។

លោក Olivier RUC បានឲ្យដឹងថា មានអតិថិជនដែលអញ្ជើញមកទទួលទានភាគច្រើនមានការស្ងើចសរសើរចំពោះម្ហូបក្នុងភោជនីយដ្ឋានរបស់លោកនូវរសជាតិ។ លោកបន្តថាអ្នកដែលចូលចិត្តមកទទួលទាននៅទីនេះមានគ្រប់ទិសទី ប៉ុន្តែភាគច្រើនជាអ្នកក្នុងតំបន់ដូចជាភោជនីយដ្ឋាន និងសណ្ឋាគារក្បែរៗនោះដែលតែងកុម្ម៉ង់អាហារជាប្រចាំ។

ភោជនីយដ្ឋានថៃតែមួយប្រចាំតំបន់អូត្រេះនេះ មានភេសជ្ជៈផ្លែឈើក្រឡុកតម្លៃត្រឹមតែ ១ដុល្លាក្នុង១កែវ និង ២,៥ដុល្លាប៉ុណ្ណោះក្នុង១ថូ។ រីឯម្ហូបអាហារវិញមានតម្លៃប្រមាណជាចាប់ពី ១,៥ដុល្លា ឡើងទៅ។ ភោជនីយដ្ឋាន Green Lantern Thai Restaurant មាន Free Wifi ដែលចាប់បើកបម្រើសេវាកម្មម្ហូបអាហារចាប់ពីថ្ងៃចន្ទ រហូតដល់ថ្ងៃសៅរ៍ ចាប់ពីម៉ោង ១.៣០នាទីរសៀល រហូតដល់ម៉ោង ១០យប់ (ថ្ងៃចន្ទដល់ថ្ងៃសុក្រ) និង ៤.៣០នាទីរសៀល ដល់ម៉ោង១០យប់ (ថ្ងៃសៅរ៍)៕