នុះ! ក្រុមក្មេងខ្មែរក្លាយជាអ្នកទោស ក្នុងហ្គេម Jailbreak អាប់ដេតថ្មី

2017-03-15 07:07:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Jailbreak The Game ដែលជាហ្គេមស្នាដៃរបស់ក្រុម DirexPlay ពេលនេះ បានអាប់ដេតឡើងទៅកំណែប្រែថ្មីមួយទៀត ដោយថែមតួអង្គថ្មីអ្នកទោសក្មេងខ្មែរ សុជាតិនិងពន្លឺ។

ចំពោះការអាប់ដេតលើកទីពីរនេះ ម៉ាលិះ ដែលជាអ្នកឌីហ្សាញក្នុងក្រុម DirexPlay អះអាងថា បានបន្ថែមវគ្គថ្មី ២ និងតួអង្គចំនួន ៤ ទៀតដូចជា ប៉ូលិសសុជាតិ ប៉ូលិសយាមគុករ៉ាវី និងតួអង្គអ្នកទោសជាតារាចម្រៀងល្បីឈ្មោះក្មេងខ្មែរ គឺសុជាតិ និងពន្លឺ។ តួទាំងអស់សុទ្ធតែមានក្បាច់វាយផ្សេងៗគ្នា ធ្វើឲ្យអ្នកលេងកាន់តែជក់ចិត្ត។

ហ្គេមនេះត្រូវការអ៊ីនធឺណិតទើបអាចលេងបាន ហើយពេលលេង នឹងជួបឧបសគ្គក្នុងហ្គេមដូចជា អ្នកទោស ខ្សែភ្លើងឆក់ របស់ធ្លាក់ពីលើមិនដឹងខ្លួន និងទឹកហូរជាដើម។

Jailbreak The Game អាចឲ្យអ្នកលេងជាលក្ខណៈផ្សងព្រេង (Campaign Mode) ដែលត្រូវប្រយុទ្ធស៊ីសាច់ហត់ឈាមជាមួយមេ (Boss) នៃចុងបញ្ចប់វគ្គនីមួយ។ មួយទៀតលក្ខណៈ Multi-player សម្រាប់ការលេងអនឡាញជាក្រុម ដោយអ្នកលេងអាចជ្រើសរើសតួចិត្តអាក្រក់ឬតួចិត្តល្អតាមការចូលចិត្ត៕

ទាញយក Jailbreak The Game លើ iOS / Android

អត្ថបទ៖ ផាន់និត