លីគលំដាប់ទី២ម្សិលមិញ ក្រុមវិសាខា ស៊ីខេត្តកំពង់ស្ពឺមិនប្រណី ១៧-០

2017-03-27 02:56:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់លីគលំដាប់ទី២របស់កម្ពុជា ម្សិលមិញនេះ មាន៣គូប្រកួតគ្នា ខណៈដែលក្រុមវិសាខាដែលទើបតែបង្កើតនោះ យកឈ្នះក្រុមខេត្តកំពង់ស្ពឺមិនប្រណីនោះទេក្នុងលទ្ធផល ១៧-០។

លីគលំដាប់ទី២របស់កម្ពុជាបានចាប់ផ្ដើមរដូវកាលថ្មីរបស់ខ្លួនហើយ ដោយមាន៨ក្រុមចូលរួមដូចជា វិសាខា ខេត្តស្វាយរៀង ខេត្តកំពង់ស្ពឺ ខេត្តកំពង់ចាម យុវជនក្រសួងការពារជាតិ ខេត្តកំពង់ឆ្នាំង ក្រុម Soltilo Angkor FC និងក្រុមយុវជនសាលាបាល់ទាត់បាទី។ ដោយឡែកក្នុងសប្ដាហ៍ទី១ម្សិលមិញនេះ មាន៣គូហើយដែលបានប្រកួតគ្នា គឺក្រុមស្វាយរៀង ០-០ កំពង់ចាម ក្រុមវិសាខា ១៧-០ កំពង់ស្ពឺ និងក្រុមកំពង់ឆ្នាំង ០-៣ យុវជនក្រសួងការពារជាតិ។

បើតាមលទ្ធផលខាងលើនេះ ប្រិយមិត្តអាចមើលឃើញថាក្រុមវិសាខា ដែលដឹកនាំដោយលោក ហុក សុជីវ័ន្ត កំពុងតែឈរនៅកំពូលតារាងហើយ ក្រោយពីបំបាក់ក្រុមខេត្តកំពង់ស្ពឺចាស់ដៃដល់ទៅ ១៧-០ នេះ។ ដោយឡែកក្រុមមួយនេះ ក៏មានបំណងចង់លើកពានលីគទី២នេះ ដើម្បីបានកៅអីឡើងទៅលេងលីគកំពូលកម្ពុជានៅរដូវកាលក្រោយផងដែរ៕

អត្ថបទ៖ មុន្នីរម្យ