Davis Cup 2017 កម្ពុជាប៉ះ កៀហ្សីជីស្ថាន បន្តិចទៀត ក្រោយលត់មីយ៉ាន់ម៉ាទក់សាច់

2017-04-04 07:21:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាវាយកូនបាល់កម្ពុជា នឹងប៉ះក្រុមកីឡាវាយកូនបាល់ កៀហ្សីជីស្ថាន បន្តិចទៀតនេះ ក្រោយលត់ក្រុមមីយ៉ាន់ម៉ា ៣-០កាលពីម្សិលមិញ ក្នុងការប្រកួត Davis Cup 2017 តំបន់អាស៊ី/អូសេអានី កម្រិតទី៤ ក្នុងពូល A នៅប្រទេសបារ៉ែន។

ក្រុមកីឡាករវាយកូនបាល់កម្ពុជា មុនចេញទៅប្រកួត

ចំពោះលទ្ធផលកាលពីម្សិលមិញនេះគឺវិញ្ញាសាវាយទោលទី១កីឡាករ ម៉ម ផល្គុន យកឈ្នះកីឡាករ TinMyo WAI របស់មីយ៉ាន់ម៉ាក្នុងលទ្ធផល ២-០ ជាមួយពិន្ទុ ៦-១ និង ៧-៥ និងវាយទោលទី២ កីឡាករ ឡុង សំនៀង យកឈ្នះកីឡាករ AungKyaw NAING របស់មីយ៉ាន់ម៉ា ដោយលទ្ធផល ២-១ ជាមួយពិន្ទុ ៤-៦, ៦-៣ និង ៦-២ ។ ចំណែកវិញ្ញាសាវាយគូកីឡាករវ័យក្មេង អោ សារិទ្ធ ចាប់ដៃគូជាមួយ ប៊ុន កេន្នី បានយកឈ្នះលើក្រុមកីឡាករមីយ៉ាន់ម៉ា ដោយលទ្ធល ២-០ ជាមួយពិន្ទុ ៦-២ និង ៦-១ ។

ក្នុងពូល A នេះមានចំនួន ៥ប្រទេសរួមមាន អារ៉ាប៊ីសាអ៊ូឌីត, បារ៉ែន, មីយ៉ាន់ម៉ា, កៀហ្សីជីស្ថាន និងកម្ពុជា៕