កុំភ្លេច!ល្ងាចនេះ កម្មវិធីពិសេសៗរបស់បុណ្យភូមិ រីករាយតាមបែបប្រពៃណីខ្មែរ

2017-04-07 09:43:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រឹមតែថ្ងៃទី១សោះ មនុស្សម្នាជាច្រើនបានទៅចូលរួមក្នុងកម្មវិធីរបស់បុណ្យភូមិ។ ឆ្នាំនេះ ជាឆ្នាំទី៤ហើយដែលបុណ្យភូមិ នាំយកនូវភាពសប្បាយរីករាយតាមទំនៀមទម្លាប់ប្រពៃណីចូលឆ្នាំខ្មែរ។

សម្រាប់ ថ្ងៃ៧មេសា ២០១៧ នេះ បើតាម លោក ថៃ ឈៀងម៉េង ជាអ្នកសម្របសម្រួលព័ត៌មាន និងប្រព័ន្ធផ្សព្វផ្សាយរបស់បុណ្យភូមិបានឲ្យដឹងថា កម្មវិធីនាពេលល្ងាច គឺនឹងមានការលេងល្បែងប្រជាប្រិយ ការរាំកម្សាន្ត ការបង្ហាញពីវង់ភ្លេងមហោរី វង់ភ្លេងមហោរី ហើយជាពិសេសនោះគឺការសម្ដែងល្ខោនយីកេ (រឿងកាកី) ដែលគ្រប់គ្នាកម្របានទស្សនា។

ជាមួយគ្នានោះ សមាជិកក្រុមការងារបុណ្យភូមិខាងលើ បានអំពាវនាវឲ្យ អ្នកចូលរួមនៅកម្មវិធីចូលរួមគោរពទំនៀមទម្លាប់ប្រពៃណីខ្មែរ ពោលគឺស្លៀកពាក់ឲ្យបានត្រឹមត្រូវសមរម្យ ព្រោះកម្មវិធីប្រព្រឹត្តទៅនៅក្នុងវត្ត។ បន្ថែមពីនោះ គឺហាមលើសកម្មភាពមួយចំនួនដូចជា ការយកកាំភ្លើងបាញ់ទឹក ការយកគ្រឿងស្រវឹង ចូលទៅក្នុងវត្តជាដើម។

លោក ថៃ ឈៀងម៉េង ជាអ្នកសម្របសម្រួលព័ត៌មាន របស់បុណ្យភូមិ

គួររំលឹកដែរថា ជារៀងរាល់ឆ្នាំ បុណ្យភូមិតែងតែនាំមកនូវកម្មវិធីពិសេសៗ តាមទំនៀមទម្លាប់ប្រពៃណីខ្មែរ ទៅផ្ដល់ភាពសប្បាយរីករាយជូនសាធារណជនប្រុស ស្រី។ ហើយបុណ្យភូមិឆ្នាំនេះ គឺប្រារព្ធឡើងនៅបរិវេណវត្តទួលក្រសាំង ចាប់ពីថ្ងៃទី ៧ ដល់ថ្ងៃទី ៩ ខែមេសា (រយៈពេល៣ថ្ងៃ)៕