ជម្រើសជាតិវាយកូនបាល់កម្ពុជាឈ្នះអូម៉ង់ កក់កៅអី Group III ពាន Davis Cup
- 2017-04-09 03:01:17
- ចំនួនមតិ 0 | ចំនួនចែករំលែក 0
ជម្រើសជាតិវាយកូនបាល់កម្ពុជាឈ្នះអូម៉ង់ កក់កៅអី Group III ពាន Davis Cup
ចន្លោះមិនឃើញ
ក្រុមវាយកូនបាល់ ឬតេន្នីសកម្ពុជាទីបំផុតបានកៅអី ទៅ Group III ហើយសម្រាប់ពាន Davis Cup ឆ្នាំ២០១៨ ក្រោយយកឈ្នះអូម៉ង់នៅវគ្គខ្វែងកាលពីថ្ងៃម្សិលមិញ។
ក្នុងការប្រកួត Group IV កម្ពុជាដែលឈរលេខ១ក្នុងពូល A ត្រូវប៉ះជាមួយ អូម៉ង់ដែលឈរលេខ២ក្នុងពូល B ដើម្បីដណ្ដើមកៅអីទៅ Group III។ ជាលទ្ធផលកីឡាករកម្ពុជា២រូបគឺ ឡុង សំនៀង និង ប៊ុន កេន្នី សុទ្ធតែបានយកឈ្នះគូប្រកួតរបស់ខ្លួនលើវិញ្ញាសាឯកត្តជន។
ឡុង សំនៀង បានផ្ដួល Mohammed Al Nabhani របស់អូម៉ង់២សិតទល់ ១ គឺ ៣-៦, ៦-២ និង៦-៤ ហើយកូនកាត់ខ្មែរ-បារាំង ប៊ុន កេន្នី បានផ្ដួល Abdullah Al Barwani ២ សិតទល់ ០ គឺ ៦-២ និង ៦-១។ ប្រតិភូ និងកីឡាករទាំងអស់របស់កម្ពុជា និងចាកចេញពីប្រទេសបារ៉ែន វិលមកកាន់កម្ពុជាវិញ នៅថ្ងៃស្អែកវេលាម៉ោង១០ និង២៥នាទី៕