ប៊ុន កេន្នី រំពឹងដណ្ដើមបានមេដាយក្នុងការព្រឹត្តិការណ៍ស៊ីហ្គេមឆ្នាំនេះ

2017-04-15 02:52:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវាយកូនបាល់ឆ្នើមរបស់កម្ពុជា ប៊ុន កេន្នី រំពឹងអាចដណ្ដើមបានមេដាយជូនជាតិបាន សម្រាប់ការប្រកួតព្រឹត្តិការណ៍កីឡាស៊ីហ្គេមនៅទឹកដីប្រទេសម៉ាឡេស៊ីចន្លោះពីថ្ងៃទី១៩ ដល់ថ្ងៃទី៣១ ខែសីហា ឆ្នាំ២០១៧ ខាងមុខនេះ។

ប៊ុន កេន្នី

ជើងខ្លាំងបទពិសោធក្រាស់ក្រែលរូបនេះបានឲ្យដឹងថា បន្ទាប់ពីអាចធ្វើបានល្អក្នុងព្រឹត្តិការណ៍ Davis Cup កាលពីពេលថ្មីៗនេះរូបគេកាន់តែមានទំនុកចិត្តក្នុងការប្រជែងយកមេដាយជូនជាតិក្នុងព្រឹត្តិការណ៍ខាងលើ។ ចំពោះមេដាយមាសឬប្រាក់វាស្ថិតក្នុងការលំបាកមួយ ប៉ុន្តែជំហានដំបូងក្នុងការប្រកួតព្រឹត្តិការណ៍ខាងត្រូវធ្វើយ៉ាងណាឈានទៅកាន់វគ្គពាក់កណ្ដាលផ្ដាច់ព្រ័ត្រជាមុនសិន។

កីឡាកររូបនេះបន្ថែមថា ប្រទេសដែលស្ថិតក្នុងការព្រួយបារម្ភ និងមានកីឡាករល្អច្រើនមានដូចជា ឥណ្ឌូណេស៊ី និងប្រទេស វៀតណាម ជាដើម។ ចំណុចចាប់ផ្ដើមនាពេលបន្ទាប់ គឺត្រូវត្រៀមខ្លួនឲ្យបានល្អចូលរួមប្រជែងព្រឹត្តិការណ៍ដ៏ធំខាងលើ។

កាលពីឆ្នាំ២០១៥ ដែលព្រឹត្តិការណ៍ស៊ីហ្គេមបានធ្វើឡើងនៅប្រទេសសិង្ហបុរីនោះ ប៊ុន កេន្នី ទទួលបានមេដាយសំរឹទ្ធដោយសារចាញ់កីឡាករមកពីប្រទេសឥណ្ឌូណេស៊ីនាវគ្គពាក់កណ្ដាលផ្ដាច់ព្រ័ត្រ៕

អត្ថបទ៖ ស្រី សុវណ្ណដារ៉ា