ម្យ៉ាង​ដែរ សូ លីហ្សា ធ្វើ​ឲ្យ​អាជីវករ​យល់​ច្រឡំ​ពេញ​ផ្សារ ថានាង...

  • 2017-04-20 02:27:11
  • ចំនួនមតិ 0 | ចំនួនចែករំលែក 0

ចន្លោះមិនឃើញ

តារា​សម្ដែង​ សូ លីហ្សា ប្រាប់​ Sabay ថា​ពេល​នាង​ដើរ​ផ្សារ​មាន​គេ​មក​សុំ​ថត​ជា​មួយ​តែ​មិន​មែន​ដោយ​សារ​​នាង​ជា​ Idol ទេ​ តែ​គេយល់​ច្រឡំ និង​គិត​ថា​ នាង​ជា​ភេទ​ទី​៣​ទៅ​វិញ។ ​

​នាង​លើក​ឡើង​ថា៖ " មិន​មែន​លើ​ក​ដំបូង​ទេ​បង ​យូរ​ហើយ​ដែល​គេ​គិត​ថា​ខ្ញុំ​បែប​ហ្នឹង ទៅ​ណា​មក​ណា​ ក៏​គេ​និយាយ​ខ្ញុំ​ខ្ទើយ​ដែរ ប្រហែល​ជា​ដោយ​សារ​​ខ្ញុំ​ខ្ពស់​ពេក ​ទើប​គេ​មើល​មិន​ដឹង​ថា​ខ្ញុំ​ស្រី​ឬ​ប្រុស"។

តារា​សម្ដែង​វ័យ​២៣​ រូប​នេះ​បន្ត​ថា​ ម្សិល​ម្ង៉ៃ​ នាង​បាន​ទៅ​ទិញ​ខោអាវ​នៅ​ផ្សារ ​ស្រាប់​តែ​អ្នក​លក់​មក​សួរ​ចំៗ​ថា៖ "អូន​បង​សុំ​សួរ​មួយ​ កុំ​ខឹង​ណា អូន​ឯង​ស្រី​ ឬ ប្រុស? អូន​ឯង​ខ្ទើយ​មែន? ហើយ​ម៉េច​ស្អាត​ម៉េស?”។ មិន​តែ​ប៉ុណ្ណោះ​អាជីវករ​រូប​នេះ​ ក៏​បាន​សុំ​នាង​ថត​រូប​ជា​មួយ​ទៀត​ព្រោះ​ឃើញ​នាង​ស្អាត។ "ខ្ញុំ​អត់​ដឹង​និយាយ​អី ​បាន​ត្រឹម​តែ​ឆ្លើយ ចា៎ៗ ហើយ​ក៏​ថត​រូប​ជា​មួយ​គាត់​ទៅ​​​​"។ លីហ្សា បន្ថែម។ ​

អ្នក​លក់​ និង លីហ្សា

ស្រី​ស្អាត​កម្ពស់ ១៧១ សង់ទីម៉ែត្រ បញ្ជាក់​ថា នាង​មិន​អន់​ចិត្ត​អី​ទេ​ គ្រាន់​តែ​ហួស​ចិត្ត​ ហើយ​មិន​ដឹង​និយាយ​ថា​ម៉េច​៕

ចុះ​ប្រិយមិត្ត​ យល់​យ៉ាង​ម៉េច​វិញ?

អត្ថបទ៖ សុខណា

អត្ថបទថ្មី