ក្មេងតូចគ្រវីកាំបិតគំរាមអ្នកបើករថយន្តព្រោះមកចតមុខកន្លែងលក់ដូររបស់ខ្លួន
- 2017-04-21 09:21:44
- ចំនួនមតិ 0 | ចំនួនចែករំលែក 0
ក្មេងតូចគ្រវីកាំបិតគំរាមអ្នកបើករថយន្តព្រោះមកចតមុខកន្លែងលក់ដូររបស់ខ្លួន
ចន្លោះមិនឃើញ
ក្មេងតូចអាយុទើបតែ ៥ឆ្នាំម្នាក់ បានធ្វើឲ្យល្បីលើអ៊ីនធឺណិតចិននៅថ្ងៃនេះ បន្ទាប់ពីកាន់កូនកាំបិតចិតផ្លែឈើគ្រវីដាក់អ្នកបើករថយន្តដឹកទំនិញនៅភាគពាយ័ព្យ ប្រទេសចិន។
ក្មេងប្រុសនេះមានឈ្មោះ Xiao Pang ជាជនជាតិភាគតិច Uygur ត្រូវបានគេឃើញឈរក្បែរកង់រថយន្តខាងមុខ ដៃកាន់កាំបិតយ៉ាងណែន ចង្អុលដាក់អ្នកបើកបរដោយសារគាត់ចតរថយន្តនៅមុខ បាំងផ្លូវកន្លែងលក់ដូររបស់គ្រួសារ Xiao Pang ក្នុងខេត្ត Xinjiang។
បើតាមប្រភព នេះមិនមែនជាលើកទីមួយទេ គឺកាលពីខែមេសាឆ្នាំមុន Pang ធ្លាប់កាន់បំពង់ដែករារាំងប៉ូលិស ដើម្បីការពារកន្លែងលក់ដូររបស់ជីដូនម្ដងហើយ។ កុមារ Pang បានគំរាមយកកូនកាំបិតចាក់កង់រថយន្ត ហើយស្រែកខ្លាំងៗថា "អ្នកមិនអាចចតនៅទីនេះបានទេ! បើចត ខ្ញុំនឹងវាយអ្នក។" ចំណែកអ្នកឈរមើលមិនបានចេញទៅបញ្ឈប់ក្មេងឡើយ តែផ្ទុយមកវិញគេឮសំឡេងសើច។
ទោះជាបែបនេះក្ដី អ្នកប្រើប្រាស់អ៊ីនធឺណិតចិនជាច្រើនបង្ហាញការព្រួយបារម្ភពីអាកប្បកិរិយាក្មេង ខ្លាចបន្ដប្រើប្រាស់ហិង្សាដោះស្រាយបញ្ហាពេលធំឡើង៕ សូមទស្សនាវីដេអូខាងក្រោម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
