កង្វះបង្គន់អនាម័យ បង្កបញ្ហាច្រើននឹកស្មានមិនដល់

2017-04-21 10:03:58
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅកម្ពុជា ជាពិសេសទីជនបទ តាមផ្ទះប្រជាពលរដ្ឋមួយចំនួនធំ ពុំទាន់គិតគូរសង់បង្គន់អនាម័យប្រើប្រាស់នោះទេ ពោលគឺ ការបន្ទោបង់ប្រព្រឹត្តទៅនៅទីវាល ឬការជីកដីកប់នៅទីឆ្ងាយពីផ្ទះ។

រូបថត ៖ អង្គការយូនីសេហ្វ

បើយោងតាមរបាយការណ៍ របស់ក្រសួងអភិវឌ្ឍន៍ជនបទ ក្នុងឆ្នាំ២០១៥ ពលរដ្ឋកម្ពុជាចំនួន ៥២.៩% ប៉ុណ្ណោះមានបង្គន់អនាម័យប្រើប្រាស់ត្រឹមត្រូវ។ ចំនួននេះ បង្ហាញថាកម្ពុជាមានតួលេខប្រើប្រាស់បង្គន់អនាម័យទាបជាងគេ ក្នុងចំណោមបណ្ដាប្រទេសអាស៊ាន។

កង្វះបង្គន់អនាម័យជា មូលហេតុចម្បង ធ្វើឲ្យមានការបំពុលដី ខ្យល់ និងទឹក តាមរយៈការបន្ទោបង់នៅតាមព្រៃ ឬទីវាល។ មិនត្រឹមតែបំពុលដល់បរិស្ថាន ហើយវាក៏បង្កជាផលលំបាកជាច្រើនដល់សុខភាពមនុស្សផងដែរតួយ៉ាង ការចម្លងមេរោគយ៉ាងឆាប់រហ័ស ដែលបង្កឲ្យ រាគរូស មានជំងឺឆ្លងផ្សេងៗធ្វើឲ្យខាតពេលវេលា រៀនសូត្រ និងការរកស៊ី និងខាតលុយកាក់ចំណាយលើការព្យាបាលផងដែរ។

បន្ថែមពីនោះ ការពុំមានបង្គន់អនាម័យប្រើប្រាស់ត្រឹមត្រូវ ក៏បង្កឲ្យ ប្រជាពលរដ្ឋមានអារម្មណ៍ខ្មាសអៀន និងអាចជួបបញ្ហាផ្សេងទៀត ពេលទៅបន្ទោរបង់ក្នុងព្រៃ ឬទីឆ្ងាយពីផ្ទះ ដូចជាសត្វកាចសាហាវខាំ ឬការបំពានលើរាងកាយជាដើម។

ដូចនេះ ការសង់បង្គន់អនាម័យតាមផ្ទះ តាមវត្តអារាម និងសាលារៀន ជារឿងសំខាន់មួយដែល ប្រជាពលរដ្ឋគួរយកចិត្តទុកដាក់។ ទោះបីជាត្រូវការចំណាយថវិកាខ្លះ ប៉ុន្តែវាជួយដល់ អនាម័យ សុខភាព បង្ការពីហានិភ័យផ្សេងៗបានយូរអង្វែង៕

វីដេអូ ៖ ក្រសួងអភិវឌ្ឍន៍ជនបទ

វីដេអូ៖ អង្គការ WaterSHED

អត្ថបទ៖ មាន រតនា