ឡុង ឡា ដើមកំណើតប្រដាល់របស់ខ្លួនចេញពីបន្ទាយទាហាន

2017-04-25 04:51:46
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីកងពលតូចលេង៨ ឡុង ឡា ប្រាប់ពីដើមកំណើតដែលចាប់អាជីពនេះ គឺជារឿងដែលចៃដន្យបំផុត ព្រោះវាកើតឡើងដោយសាររស់នៅក្បែរកន្លែងហាត់។

កីឡាករ ឡុង ឡា ក្រហម

អ្នកប្រដាល់មកពីខេត្តបាត់ដំបង ថាបើនិយាយស្រឡាញ់ប្រដាល់នោះដូចជាមិនត្រូវទាំងស្រុងទេ ហាក់ដូចជាការងារមួយបន្ទាប់បន្សំក្រៅពីធ្វើស្រែចម្ការ។ មូលហេតុដែលគេក្លាយជាអ្នកប្រដាល់ដោយសារពីតូចគេចូលទៅរស់នៅឯបន្ទាយទាហាន ដូចនេះគ្រូប្រដាល់នៅក្នុងនោះក៏ឲ្យរូបគេចាប់ហាត់តាំងពីពេលនោះមកនិងឡើងប្រកួតដល់បច្ចុប្បន្ន។

កីឡាករ ឡុង ឡា ក្រហម

អ្នកប្រដាល់ប្រកួតបានជិត៥០ដងម្នាក់នេះបន្តទៀតថា អាជីពមួយនេះក៏ម្យ៉ាងដែរ វាបានប្រាក់ចំណូលមួយផ្នែកហើយ មានសុខភាពល្អទៀតផងមិនងាយឈឺផ្ដេសផ្ដាសឡើយ។ នៅពេលដែលខ្លួនឯងវ៉ៃល្អខ្លាំង ល្បីមានតម្លៃខ្លួនកាន់តែខ្ពស់ មានកេរ្តិ៍ឈ្មោះ ជីវភាពគ្រួសារក៏ធូរធារដែរ។ អ្នកលេងគុនខ្មែរម្នាក់នេះនឹងខំប្រឹងធ្វើឲ្យបានល្អជាងនេះ ព្រោះអីចូលប្រឡូកនឹងអាជីពនេះហើយ នៅពេលខាងមុខសង្ឃឹមថានឹងជោគជ័យដូចរៀមចម្បងដទៃទៀត៕