នាឡិកាឆ្លាតវៃ CASIO ជំនាន់ថ្មី មិនខ្លាចជម្រៅទឹក ៥០ ម៉ែត្រលក់តម្លៃ ៥០០ ដុល្លារ

2017-04-27 02:12:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ ក្រុមហ៊ុន CASIO បានចេញលក់នាឡិកាឆ្លាតវៃជំនាន់ថ្មីម៉ូដែល Pro Trek F20 ដែលមានតម្លៃដល់ទៅ ៥០០ ដុល្លារ។

រចនាពណ៌ខ្មៅលាយទឹកក្រូច វាបានបំពាក់នូវឈីប Snapdragon Wear 2100 របស់ Qualcomm ដោយមាន RAM ទំហំ 512MB និង អង្គចងចាំ 4GB។

នាឡិកានេះត្រូវបានគួបផ្សំនឹងលក្ខណៈសម្បត្តិគ្រឿង ដែលអាច Update ទៅកាន់ Android Wear ជំនាន់ 2.0 បាន និងភ្ជាប់ទំហំអេក្រង់ធំល្មមទំហំ ១,៣២ អ៊ីញ អាចការពារការជ្រាបទឹក ដល់ជម្រៅទឹក ៥០ ម៉ែត្រ។ ថាមពលថ្មរបស់វាអាចប្រើប្រាស់ជាធម្មតាបានដល់ ២ ថ្ងៃ និងដល់មួយខែបើអ្នកបើកប្រើក្នុងលក្ខណៈ Timepiece Mode ។

វាក៏ភ្ជាប់ជាមួយទូរសព្ទពពួក Android ដែលដំណើរការនៅជំនាន់ 4.3 ឡើងទៅ និងពពួក iPhone 5 ឡើងទៅ ដែលដំណើរការនៅលើ iOS 8.2 យ៉ាងទាប។

ក្នុងនោះត្រកូលតែមួយប្រភេទ Limited Editon ដែលបំពាក់នូវកញ្ចក់ប្រភេទ Sapphire និងមានពណ៌ខ្មៅ, ខៀវ ប៉ុន្តែមានលក់តែ ៥០០ គ្រឿងប៉ុណ្ណោះ ហើយចំពោះតម្លៃពុំទាន់មានការបញ្ជាក់ឡើយ។

ប្រភព៖ PhoneArena ប្រែសម្រួល៖ ប៊ុណ្ណារ៉ា