ស្ថាបនិក Wikipedia បង្កើតគេហទំព័រថ្មី សម្រាប់ប្រឆាំងនឹងព័ត៌មានក្លែងក្លាយ!
- 2017-04-29 04:15:12
- ចំនួនមតិ 0 | ចំនួនចែករំលែក 0
ស្ថាបនិក Wikipedia បង្កើតគេហទំព័រថ្មី សម្រាប់ប្រឆាំងនឹងព័ត៌មានក្លែងក្លាយ!
ចន្លោះមិនឃើញ
ស្ថាបនិក Wikipedia លោក Jimmy Wales បានប្រកាសបង្ហាញគេហទំព័រថ្មី Wikitribune ក្នុងគោលបំណងប្រយុទ្ធប្រឆាំងនឹងព័ត៌មានក្លែងក្លាយលើបណ្ដាញអ៊ីនធឺណិត។ គម្រោងនេះនឹងមានការចូលរួមពីអ្នកសារព័ត៌មានអាជីពនិងអ្នកសារព័ត៌មានមហាជន ដើម្បីធ្វើការគូសបង្ហាញនិងត្រួតពិនិត្យពីរឿងរ៉ាវនានាពេលបច្ចុប្បន្ន។
Wikitribune កំពុងស្ថិតក្នុងដំណាក់កាលប្រមូលថវិកាពីអ្នកឧបត្ថម្ភស្ម័គ្រចិត្ត ដែលដំណើរការក្នុងនាមជាអង្គការមិនរកប្រាក់ចំណេញ ដោយទទួលបានការបរិច្ចាគថវិកាពីម្ចាស់ជំនួយ ១៥ ដុល្លារក្នុងមួយខែ។ គ្រប់គ្នាក៏អាចចូលទៅគេហទំព័រនោះដោយសេរី ប៉ុន្តែសម្រាប់សមាជិកដែលបង់លុយ អាចមានសិទ្ធិពិសេសក្នុងការផ្ដល់គំនិតពីប្រធានបទថ្មីៗសម្រាប់បង្ហោះលើគេហទំព័របាន។
ក្នុងសេចក្ដីថ្លែងការមួយចេញពី Fox News លោក Wales ថ្លែងថា មានថវិកាគ្រប់គ្រាន់សម្រាប់ជួលអ្នកសារព័ត៌មានអាជីពចំនួន ៥ រូប សម្រាប់គម្រោងនេះ។ Wikitribune បង្កើតឡើងសម្រាប់ទាំងអស់គ្នា និងផ្តល់ប្រយោជន៍សម្រាប់គ្រប់គ្នា។
គម្រោង Wikitribune ក៏មានលក្ខណៈស្រដៀងទៅនឹងគម្រោង The New Integrity Initiative របស់ក្រុមហ៊ុន Facebook ដែលមានការចូលរួមពីក្រុមហ៊ុនបច្ចេកវិទ្យាធំៗនិងអង្គការក្រៅរដ្ឋាភិបាល ក្នុងគោលបំណងតែមួយគឺប្រឆាំងនឹងព័ត៌មានមិនពិត។