គិតដល់ថ្ងៃនេះ ស្ថានភាព តាហ៊្វុយសូ សង្គ្រោះនៅថៃ យ៉ាងណាហើយ?
- 2017-05-02 09:18:02
- ចំនួនមតិ 0 | ចំនួនចែករំលែក 0
គិតដល់ថ្ងៃនេះ ស្ថានភាព តាហ៊្វុយសូ សង្គ្រោះនៅថៃ យ៉ាងណាហើយ?
ចន្លោះមិនឃើញ
អតីតតារាកំប្លែងជើងចាស់ និងជាប្រធានអង្គការ N.A.C.A លោក ស៊ូ សាវ៉ាង ហៅ តា ហ៊្វុយហ្សូ ដែលកំពុងតែសម្រាកព្យាបាលជំងឺមហារីកនៅប្រទេសថៃនោះ ពេលនេះអាការជំងឺបានធូរស្រាលហើយ លោកអាចនឹងវិល មកស្រុកកំណើតវិញនេះថ្ងៃព្រហស្បតិ៍ខាងមុខនេះ។ នេះបើតាមការឲ្យដឹងពី លោក ស៊ូ វណ្ណៈ កូនប្រុសដែលកំពុងតែមើលថែនៅទីនោះ។
លោក ស៊ូ វណ្ណៈ បានឲ្យដឹងថា ឪពុករបស់ខ្លួនមានអាការធូរស្រាលជាងមុនហើយ បន្ទាប់ពីការសម្រាកព្យាបាលនៅមន្ទីរពេទ្យបាំងកក ប្រទេសថៃមួយរយៈមក។ លោកថា មកទល់ពេលនេះ តា ហ៊្វុយហ្សូ បានឆ្លងផុតដំណាក់កាលទី១ហើយ ដោយគ្រូពេទ្យបានដកអុកស៊ីហ្សែន ឲ្យហាត់ប្រាណ ដើរបាន និងអាចពិសាបាយបានខ្លះៗហើយ។
លោកបានបន្តថា គ្រូពេទ្យកំពុងតែព្យាបាលដំណាក់កាលទី២ទៀត គឺព្យាបាលដុំមហារីក ២ដុំ ដែលមាននៅក្នុងថ្លើមដោយលេបថ្នាំសិន បន្ទាប់មក ទើបពេទ្យសិក្សាបន្តទៀត ថាតើត្រូវវះកាត់ ឬអត់។ ប្រសិនបើការព្យាបាលទទួលផ្លែផ្កាល្អ តា ហ៊្វុយហ្សូ នឹងត្រឡប់មកប្រទេសកម្ពុជាវិញនេះថ្ងៃ ព្រហស្បតិ៍នេះ។
លោក ស៊ូ វណ្ណៈ បានបញ្ជាក់ថា មូលហេតុ២ដែលនាំឲ្យលោកសម្រេចបញ្ជូនឪពុករបស់លោកត្រឡប់មកផ្ទះវិញ គឺទី១ មកពីសុខភាពបានប្រសើរ និងទី២ មិនមានលទ្ធភាពបន្តព្យាបាលទៀត ព្រោះថ្លៃព្យាបាលនៅទីនោះថ្លៃខ្លាំងពេក។
លោក ស៊ូ សាវ៉ាង ហៅតា ហ្វុយហ្សូ ធ្លាក់ខ្លួនឈឺធ្ងន់ ហើយត្រូវក្រុមគ្រួសារដឹកទៅសង្គ្រោះបន្ទាន់នៅមន្ទីរពេទ្យកាល់ម៉ែត្រកាលពីព្រឹកថ្ងៃពុធ ទី ២៦។ គ្រូពេទ្យបានអះអាងថា លោកតា បែកគ្រាប់ឈាមខ្លាំង និងគ្រាំក្នុង។
ក្រោយមក១ថ្ងៃប៉ុណ្ណោះ លោកតា ត្រូវក្រុមគ្រួសារដឹកទៅរកការព្យាបាលបន្តទៀតនៅប្រទេសថៃ ក្រោយសភាពរបស់លោក មិនសូវល្អ៕