នាយ ចឺម បញ្ជាក់ពីទំនាក់ទំនងជាមួយ អូនម៉ី ក្រោយល្បីថាជាគូស្នេហ៍
- 2017-05-02 09:59:42
- ចំនួនមតិ 0 | ចំនួនចែករំលែក 0
នាយ ចឺម បញ្ជាក់ពីទំនាក់ទំនងជាមួយ អូនម៉ី ក្រោយល្បីថាជាគូស្នេហ៍
ចន្លោះមិនឃើញ
កាលពីពេលថ្មីៗនេះមានសារព័ត៌មានក្នុងស្រុកមួយចំនួនបានចុះផ្សាយថានាយ ចឺម មានទំនាក់ទំនងស្នេហាជាមួយ ទៀង ម៉េងលិ ហៅ(អូនម៉ី) តែព័ត៌មានទាំងនេះត្រូវបានសាមីខ្លួនបដិសេធ។
នាយ ចឺម បានប្រាប់ Sabay ថានាយ ជាមួយ អូនម៉ី មានទំនាក់ទំនងជាមួយគ្នាយូរឆ្នាំមកហើយ តែទំនាក់ទំនងមួយនេះគ្មានអ្វី លើសពីមិត្តភ័ក្ដិនោះទេ។ " និយាយទៅបងខ្ញុំ និង អូនម៉ី មិនមែនជាគូស្នេហ៍ និងគ្នានោះទេ ពួកខ្ញុំទាំងពីរនាក់ស្រឡាញ់រាប់អានគ្នាដូចបងប្អូនបង្កើតអញ្ចឹង ដូច្នេះសូមបងប្អូនកុំយល់ច្រឡំ"។
ម្ចាស់បទ "អ្នកអត់សង្សារលើកដៃ" បន្ថែមថា ឥឡូវនេះនាយ មិនទាន់គិតគូពីរឿងស្នេហាទេ ព្រោះតែគិតថាខ្លួននៅក្មេង។ម្យ៉ាងទៀតនាយ ចឺម ចង់ទុកពេលវេលាហ្នឹងរកលុយសិន។
"បងកុំភ័យថ្ងៃណាមួយបើខ្ញុំយកនារីណាម្នាក់ មកធ្វើជាគូស្នេហ៍របស់ខ្ញុំ ពេលនោះខ្ញុំនឹងប្រកាសប្រាប់ពុកម៉ែបងប្អូនថាពេលនេះខ្ញុំបានរកឃើញនារីម្នាក់ដែលខ្ញុំស្រឡាញ់ហើយ"។ នាយ ចឺម ថ្លែង៕