Celtic បាន​បង្ហាញ​ឈុត​ក្នុង​ទឹកដី​ផ្លូវ​ការ​របស់​ខ្លួន​សម្រាប់​រដូវ​កាល​ក្រោយ​​ដែល​រចនា​ឡើង​ដើម្បី​អបអរ​ខួប​ទី​៥០​ឆ្នាំ​ការ​ឈ្នះ​ពាន​ UEFA Champions League។

កាល​ពី​ឆ្នាំ​ ១៩៦៧ ក្លឹប​ជើង​ខ្លាំង​របស់​ស្កុតឡែន​មួយ​នេះ​បាន​ផ្ដួល​ Inter Milan ២-១ ​នៅ​វគ្គ​ផ្ដាច់ព្រ័ត្រ​ នា​​ទីក្រុង​ Lisbon ប្រទេស​ព័រទុយហ្គាល់​។ ការ​ប្រកួត​នោះ​ Celtic ត្រូវ​ Inter Milan នាំ​មុខ​មួយ​គ្រាប់​មុន​ជា​ការ​ទាត់​បាល់​ប៉េណាល់ទី​របស់ Mazzola។ ក្នុង​វគ្គ​ទី​ពីរ​នាទី​៦៣ ខ្សែ​ការពារ​ Gemmell ទាត់​ពី​ចម្ងាយ​តាម​ស្មើ​បាន​វិញ​ ហើយ​នាទី ៨៤ Stevie Chalmers ជា​អ្នក​ស៊ុត​គ្រាប់​ជ័យ​ជម្នះ​។

ឈុត​ថ្មី​​រំលឹក​ដល់​យុគសម័យ​មាស​នៃ​ការ​ឈ្នះ​ Champions League លើក​ដំបូង​ និង​តែ​ម្ដង​គត់​របស់​ Celtic គឺ​​មាន​ពណ៌​ប្រចាំ​ត្រកូល​បៃតង​ លាយ​.ស ​និង​​ឡូហ្គោ​ពណ៌​មាស​ អម​ជា​មួយ​កាល​បរិច្ឆេទ​ និង​ឈ្មោះ​ទីក្រុង​ដែល​ពួក​គេ​លើក​ពាន៕

ប្រភព៖ Dailymail   ប្រែ​សម្រួល៖ វីរ័ត្ន