បាល់ទះម្សិលមិញ វិសាខា បំបាក់ក្រុមឡាវមិនឱ្យតដៃរួច ៣-០ ពាន Leo Cup

2017-05-09 07:05:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីការប្រកួតកីឡាបាល់ទះពានរង្វាន់អន្ដរជាតិស្រាបៀរលីអូកាលពីម្សិលមិញនេះ ក្រុមវិសាខារបស់កម្ពុជាបានយកឈ្នះក្រុម SKYWAY របស់ឡាវ ក្នុងលទ្ធផល ៣សិតទល់០ តែម្ដងនៅពហុកីឡដ្ឋានជាតិ។

កាលពីថ្ងៃអាទិត្យកន្លងទៅ វិសាខាបានយកឈ្នះក្រុមក្នុងស្រុក កងពលធំលេខ៣ ក្នុងលទ្ធផល ៣-១ ម្ដងរួចមកហើយក្នុងការប្រកួតទី១ ខណៈដែលប្រកួតទី២របស់គេម្សិលមិញនេះ ក៏ធ្វើបានល្អទៀត ដោយបានយកឈ្នះក្រុម SKYWAY របស់ឡាវក្នុងលទ្ធផល ៣-០។ ដោយនេះជាលទ្ធផលល្អមួយសម្រាប់ក្រុមខ្លាំងវិសាខា ដែលធ្វើបានល្អក្នុងការប្រកួតនេះ។

កាលពីម្សិលមិញ ក្រៅពីគូខាងលើនេះហើយ ក៏នៅមាន២គូទៀតដែរបានប្រកួតគ្នាគឺក្រុមខេត្តកំពង់ចាម ឈ្នះក្រុមកងពលតូចអន្តរាគមន៍លេខ៩ ៣-០ និងក្រុមក្រសួងមហាផ្ទៃចាញ់ក្រុមកងពលធំអន្តរាគមន៍លេខ៣ ក្នុងលទ្ធផល ៣-០។

ការប្រកួតកីឡាបាល់ទះដណ្ដើមពានរង្វាន់ស្រាបៀរលីអូ លើកទី៦ដ៏អស្ចារ្យនេះ នឹងនៅតែបន្តចាប់ពីថ្ងៃនេះតទៅ រហូតដល់ថ្ងៃទី ១៣ ឧសភា នៅពហុកីឡដ្ឋានជាតិអូឡាំពិក ពីម៉ោង ១ រសៀល ដែលមានការផ្សាយផ្ទាល់នៅលើ ប៉ុស្តិ៍TV5 និង ទំព័រហ្វេសប៊ុក ប៉ុស្តិ៍TV5។

អ្នកក៏អាចចូលរួមទស្សនាផ្ទាល់ ដោយសំបុត្រចូលរួមមានតម្លៃត្រឹមតែ ៥០០០រៀល(មួយថ្ងៃ) ថែមជូនស្រាបៀរលីអូមួយកំប៉ុង ឬ តម្លៃ ១៥ដុល្លារ (សម្រាប់៦ថ្ងៃ) ថែមជូនស្រាបៀរលីអូ ១កេស៕

អត្ថបទ៖ មុន្នីរម្យ