ក្តៅៗ! កូរ៉េខាងត្បូង ជ្រើសរើសបានប្រធានាធិបតីថ្មីហើយ!

2017-05-10 02:02:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីជាប់ឆ្នោតថ្មីរបស់ប្រទេសកូរ៉េខាងត្បូង គឺ លោក ម៊ូន ជេអ៊ីន (Moon Jae-in) នឹងត្រូវស្បថចូលឡើងកាន់តំណែង បន្ទាប់ពីទទួលបានជ័យជំនះលើការបោះឆ្នោត នាពេលថ្មីៗនេះ។

លោក ម៊ូន ជេអ៊ីន (Moon Jae-in)

អតីតមេធាវី និងអ្នកសេដ្ឋកិច្ច វ័យ៦៤ឆ្នាំរូបនេះ ត្រូវតែសម្លឹងមើល ដើម្បីពង្រឹងសេដ្ឋកិច្ចដ៏ផុយស្រួយ និងគ្រប់គ្រងទំនាក់ទំនងដ៏តានតឹងជាមួយ កូរ៉េខាងជើង។ លោក ម៊ូន ធ្លាប់បាននិយាយអំពីការបង្កើនទំនាក់ទំនង ជាមួយកូរ៉េខាងជើង ដែលនឹងធ្វើឲ្យមានការផ្លាស់ប្ដូរដ៏ធំមួយ នៅក្នុងគោលនយោបាយកូរ៉េខាងត្បូង។

គួរបញ្ជាក់ថា លោក ម៊ូន ដែលជាបេក្ខភាពមកពីគណបក្សប្រជាធិបតេយ្យ បានទទួលសំឡេងឆ្នោត រហូតដល់ទៅ ៤១,១ភាគរយ ស្របពេលដែល លោក ហុង ជ៊ុនព្យូ (Hong Joon-pyo) ទទួលបាន ២៥,៥ភាគរយ និង លោក អាន ឈុលសូ (Ahn Cheol-soo) មកពីគណបក្សនិយមកណ្ដាល ទទួលបានត្រឹមតែ ២១,៤ភាគរយប៉ុណ្ណោះ។

លោក ម៊ូន ជេអ៊ីន (Moon Jae-in)

ថ្លែងទៅកាន់អ្នកគាំទ្រ បន្ទាប់ពីទទួលបានជ័យជំនះ លោក ម៊ូល បាននិយាយថា លោកនឹងកសាង «ប្រទេសដែលមានការរួបរួមគ្នា» មួយ។ «ខ្ញុំនឹងក្លាយជាប្រធានាធិបតី ដែលបម្រើមនុស្សទាំងអស់ ទោះបីជាពួកគេមិនបានគាំទ្រខ្ញុំក៏ដោយ»។ នេះបើតាមសម្ដី លោក ម៊ូន។

គួរបញ្ជាក់ថា លោក ម៊ូន នឹងត្រូវស្បថចូលកាន់តំណែង ប្រធានាធិបតីកូរ៉េខាងជើង ទី១៩ នៅវេលាម៉ោង១២ថ្ងៃត្រង់ (ម៉ោងនៅកូរ៉េខាងត្បូង) នៅឯអគាររដ្ឋសភាជាតិ៕

ប្រភព៖ BBC ប្រែសម្រួល៖ សេង ឡុង