អ្នកគាំទ្រ Real នាំគ្នាប្រកួតមិត្តភាពរកប្រាក់សប្បុរសធម៌បានជិត៥០០ដុល្លារ

2017-05-11 02:14:20
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះមានការប្រកួតបាល់ទាត់មិត្តភាពសប្បុរសធម៌រវាងអ្នកគាំទ្របាល់ទាត់ Real Madrid ប្រចាំនៅប្រទេសកម្ពុជា និងរកប្រាក់បានចំនួន៤០៥ដុល្លារអាមេរិក និង២៥ម៉ឺនរៀលដើម្បីយកទៅជួយដល់គ្រួសារក្រីក្រដែលមានគ្មានប្រាក់ព្យាបាលជំងឺ។

ការប្រកួតនៅលើទីKMH Park ដែលមាន៤ក្រុមសុទ្ធតែអ្នកគាំទ្រ Real Madrid ប្រចាំនៅកម្ពុជា។ ការប្រកួតគូទី១ រវាងក្រុម Real Madrid KH និង KouPrey FT បានបញ្ចប់ដោយលទ្ធផលស្មើគ្នា ០-០ ប៉ុន្តែ Real Madrid KH បានយកឈ្នះដោយស៊ុតបាល់កាត់សេចក្តី១១ម៉ែត្រ។ ការប្រកួតគូទី២ ក្រុម NIDER FC បានយកឈ្នះ Level Pro FT ដោយលទ្ធផល ១-០។

ចំពោះការប្រកួតវគ្គផ្តាច់ព្រ័ត្រ Real Madrid KH បានយកឈ្នះក្រុម NIDER FC ក្នុងលទ្ធផល ១-០ ដើម្បីក្លាយជាជើងឯក ខណៈលេខ៣បានទៅក្រុម KouPrey FT ក្រោយពេលឈ្នះក្រុមទទួលបានចំណាត់ថ្នាក់លេខ៤ Level Pro FT ដោយលទ្ធផល ៣-០។

ថវិកា៤០៥ដុល្លារអាមេរិក និង២៥ម៉ឺនរៀល ព្រមទាំងសម្ភារៈក្រុមអ្នកគាំទ្រទាំង៤នឹងយកទៅជួយដល់គ្រួសារក្រីក្រគ្មានលុយព្យាបាលជំងឺ៕