​ម៉ាក​កាបូប និង គ្រឿង​អ​ល​ង្កា​រជួរ​មុខរបស់​ប្រទេស​កូរ៉េ J.ESTINA ដែល​ខ្មែរ​យើង​ធ្លាប់តែ​ឃើញ​ក្នុង​រឿង​កូរ៉េ​ល្បីៗ ដូចជា​រឿង Descendant of the Sun និង​រឿង The Master sun ពេល​នេះ​បាន​បើកហាង​ផ្លូវកា​រ​របស់ខ្លួន​នៅ​កម្ពុជា​ហើយ​។

​ហាង​ថ្មី​ដ៏​ធំ​ទូលាយ និង​មាន​ដាក់លក់​ផលិតផល J.ESTINA ទាំង​កាបូប និង គ្រឿង​អ​ល​ង្កា​រ​ម៉ូដ​ថ្មី​បំ​ផុត​នេះ បាន​បើកសម្ពោធ​លក់​ជា​លើកដំបូងដោយ​មាន​កម្មវិធី​ជប់​លៀងកា​ត់​ខ្សែបូរ​យ៉ាង​ឧឡា​រិ​ក កាលពី​ល្ងាច​ម្សិល​មិញ​នៅទី​តាំងហាង​ផ្ទាល់​ក្នុង​អគារ​ទីក្រុង​អូ​ឡាំ​ព្យា​លើ​មហាវិថី​មុនី​រ៉េត​។ កាន់តែ​រំជើប​រំ​ជួល​នោះ​ព្រឹត្តិការណ៍​នេះ​មាន​ការចូលរួម​ដោយផ្ទាល់​ពី​ម្ចាស់​ផលិតផល J.ESTINA មកពី​ប្រទេស​កូរ៉េ ការដើរបង្ហាញម៉ូដ​ពីតារាល្បីឈ្មោះជាច្រើនរូប និង​អ្នក​សារ​ព័ត៌មាន​ជា​ច្រើនទៀ​ត​ផង ។​

​ថ្លែង​ក្នុងឱកាស​បើកសម្ពោធ​នេះ លោក Kim Kimun ប្រធាន​ក្រុមហ៊ុន J.ESTINA បាន​ឲ្យ​ដឹងថា​៖​ ​« គ្រឿង​អ​ល​ង្កា​រ និង កាបូប J.ESTINA បាន​រីកចម្រើន​យ៉ាង​ឆាប់រ​ហ័ស​លើ​ទីផ្សារ​ទូទាំង​ពិ​ភព​លោក ដោយសារ​ម៉ាក​របស់​យើង​មានការ​រចនា​រូបរាង​យ៉ាង​ស្រស់ស្អាត​ត្រូវ​ចិត្ត​ស្ត្រី ជាមួយ​លក្ខណៈពិសេស ប្លែក​គេ គឺ​ការ​ Design បញ្ចូល​គ្នា​យ៉ាង​ល្អ​រវាង​ប្រាក់ និង​មាស​។ យើង​ក៏បាន​សហការ​ផ្សព្វផ្សាយ​យ៉ាង​ល្អ​តាម​រយៈ​ខ្សែរ​ភាព​យ​ន្ត​កូរ៉េ​ល្បី​ជាច្រើន​ដែល​ធ្វើ​ឲ្យ​មហា​ជន​បាន​ឃើញ​ផលិតផល​យើង​ហើយ​ស្វែង​រក​ទិញ​»​។

​លោក​បន្តថា​៖ «យើង​សម្រេច​ចូល​ទីផ្សារ​កម្ពុជា​ដោយ​មើលឃើញថា​ប្រជា​ជន​ខ្មែរ​មាន​ចំណូលចិត្ត​លើ​ការ​រចនា​ម៉ូដ​ស្រ​ដៀ​ង​គ្នា​និង​ប្រជា​ជន​កូរ៉េ ហើយ​ក៏​និយម​មើល​រឿង​កូរ៉េ​ផង​ដែរ។ ​​វត្ថ​មាន​របស់ J.ESTINA នៅ​កម្ពុជា​សន្យា​បំពេញជូន​ស្ត្រី​ទាំងអស់​នូ​វ​ជីវិត​ដ៏​ស្រស់​បំ​ព្រង​ដូចជា​ម្ចាស់​ក្ស​ត្រី ។ ថ្មីៗ​នេះ​យើង​ក៏បាន​បង្កើត​ឲ្យ​មាន​គ្រឿងសម្អាង​ផងដែរ ដើម្បីបំពេញ​សុប​ន្តិ​របស់​ស្ត្រី​ទាំងអស់​ដែល​ចង់​ទទួលបាន​ភាពស្រស់ស្អាត​ថ្លៃថ្នូរ​ផូរផង់​ក្នុង​ជីវិត​»​។

​J.ESTINA ចាប់​កំណើត​ក្នុង​ឆ្នាំ​២០០៣ បច្ចុប្បន្ន​មាន​ហាង​ចំនួន ៧០ នៅ​ប្រទេស​កូរ៉េ និង ហាង​Duty Free នៅ ប្រទេស​ចិន ហុងកុង សៀង​ហៃ ម៉ា​កាវ ជប៉ុន ថៃ ឥណ្ឌូណេស៊ី និងក្នុង​ឆ្នាំ​២០១៧​នេះមាន​កម្ពុជា​។ ម៉ាក​ដ៏​ល្បី​នេះ​កំពុង​ប្រកួតប្រជែង​ជាមួយ​ម៉ាក​​លំ​ដាប់​អន្តរជាតិ ដូចជា Swarovski និង Pandora លើ​មុខ​ជំនួញ​គ្រឿង​អ​ល​ង្កា និង ម៉ាក Coach Furla និង Micheal Kors លើ​ជំនួញកា​បូប។​

​

​ ​ ​