ឱកាសល្អមកដល់ហើយសម្រាប់អ្នកចង់ក្លាយជាអ្នកនិពន្ធអាជីព

2017-05-23 09:38:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ឱកាសល្អបានមកដល់ហើយសម្រាប់អ្នកចង់ក្លាយជាអ្នកនិពន្ធអាជីព ពេលនេះកម្មវិធី "ប្រកួតប្រជែងអ្នកនិពន្ធឆ្នើមប្រចាំឆ្នាំ២០១៧" របស់ផលិតកម្ម រ៉ក ចាប់ផ្ដើមទទួលពាក្យហើយ។

អ្នកតំណាងផលិតកម្មរ៉កបានលើកឡើងថាគោលបំណងធំនៅក្នុងការបង្កើតកម្មវិធីនេះឡើងគឺ ដើម្បីកសាងស្មារតីរបស់អ្នកនិពន្ធខ្មែររួមទាំងផ្ដល់តម្លៃ និង លើកកម្ពស់ដល់ការតែងនិពន្ធខ្មែរ ក៏ដូចជាផ្ដល់ឥទ្ធិពលដល់ការបញ្ចេញគំនិតថ្មីក្នុងការបង្កើតខ្សែភាពយន្តខ្មែរ ជាពិសេសគឺឲ្យឱកាសដល់យុវវ័យដែលមានក្ដីស្រមៃក្លាយជាអ្នកនិពន្ធបានបញ្ចេញទេពកោសល្យរបស់ខ្លួនទៅកាន់សង្គមផ្ទាល់តែម្ដង។

លក្ខខណ្ឌមួយចំនួនដើម្បីដាក់ពាក្យចូលរួមបានមានដូចជា៖

• បេក្ខជន និង បេក្ខនារី ត្រូវមានអាយុចាប់ពី ១៨ ឆ្នាំ ដល់ ៣០ ឆ្នាំ។ • បេក្ខជន និង បេក្ខនារី ដែលអាចចូលរួមប្រឡងតម្រូវអោយបំពេញ និង ប្រគល់គ្រប់បែបបទតាមលក្ខខណ្ឌនៃការប្រកួតប្រជែងដូចបានចែង។ • បេក្ខជន និង បេក្ខនារីត្រូវមានសញ្ជាតិខ្មែរ និង ជាជនជាតិខ្មែរ។ • អត្ថបទរឿងដែលលើកយកមកបង្ហាញត្រូវមានរយះពេលចាប់ពី ១ម៉ោង ៣០នាទី ដល់ ២ម៉ោង។ • អត្ថបទរឿងដែលអាចយកមកចូលរួមប្រលងក្នុងកម្មវិធីបានអាចជា សាច់រឿងផ្ទាល់ខ្លួន ឬ សាច់រឿងបង្ហាញពីការសិក្សា ការអប់រំ កំប្លែង មនោសញ្ចេតនាស្នេហាផ្សេងៗ។ លើកលែងតែសាច់រឿងដែលមានទាក់ទងនឹងបញ្ហានយោបាយ និង សាច់រឿងបរិហារកេរ្តិ៍របស់បុគ្គលណាម្នាក់។

ផលិតកម្ម Rock ចាប់ផ្ដើមទទួលពាក្យចាប់ពីថ្ងៃនេះរហូតដល់ថ្ងៃទី១៥ ខែមិថុនា ឆ្នាំ២០១៧។ លក្ខខណ្ឌផ្សេងៗត្រូវបានអនុវត្តន៍៕

អត្ថបទ៖ Samedy