បោកខោអាវម៉េចឲ្យឆាប់ស្ងួត និងកុំឲ្យធំក្លិនផ្អួរ ពេលខែភ្លៀង

2017-06-05 13:33:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ខែភ្លៀងចឹង ជៀសអត់ផុតរឿងហាលខោអាវអត់បានស្ងួតល្អ ពេលខ្លះអត់ស្ងួតមធ្យមងំធំក្លិនផ្អួរ តែម្តង។ ចឹងថ្ងៃនេះ Sabay នឹងបង្ហាញវិធីសាស្ត្រមួយចំនួន ធ្វើឲ្យខោអាវឆាប់ស្ងួត និងមិនធុំក្លិន។ ១. កុំពន្យារពេលហាល នៅពេលបោកខោអាវដោយម៉ាស៊ីន ឬ ដោយដៃ រួច កុំព្យាយាមទុកវានៅក្នុងម៉ាស៊ីន ឬត្រាំទុកចោលមួយយប់ ករណីបើមេឃស្រទំ ក៏មិនល្អដែរ ព្រោះសារធាតុបាក់តេរី និងមេរោគផ្សេងៗ ដែលនៅក្នុងខោអាវ វាអាចនឹងរីកលូតលាស់។

២. កុំទុកខោអាវសើមឲ្យនៅយូរ បើសិនជាខោអាវសើម ព្យាយាមឆាប់បោកឲ្យលឿន កុំទុកយូរ ជៀសវាងពេលស្ងួតមានក្លិនមិនល្អ ជាពិសេស កន្សែងពោះគោ ខោខោវប៊យ ជាដើម។

៣. សម្ងួតវាយ៉ាងយកចិត្តទុកដាក់

មិនថាបោកម៉ាស៊ីន ឬបោកដៃនោះទេ ពេលដែលយកទៅ ហាល គួរតែពូត ឬ សម្ងួតឲ្យបានស្រស់ទឹក មុននឹងយកទៅ ហាល ព្រោះខែភ្លៀងចឹង មេឃមិនសូវអំណោយផលទេ ដូច្នេះបើ សម្ងួតមិនបានល្អ នៅមានទឹកច្រើន វានឹងក្រស្ងួត។

៤. កុំដាក់ខោអាវបោកម្ដងច្រើនពេក

បើករណីអ្នកបោកដោយប្រើម៉ាស៊ីន ជូនកាលអ្នកអាចគិតថា ដាក់ខោអាវច្រើន ជួយសន្សំសំចៃភ្លើង តែវាក៏ផ្ដល់ពិបាកដែរ។ កាលណាខោអាវផ្ទុកពេញក្នុងម៉ាស៊ីនច្រើន ធ្វើឲ្យសាប៊ូ មិនអាចជ្រាបអស់សព្វជាមួយនឹងវាបានទាំងស្រុង នោះនឹងធ្វើឲ្យខោអាវលែងសូវស្អាត ហើយធុំក្លិនមិនល្អទៀតផង។ ៥. ជ្រើសសាប៊ូ និងទឹកក្រអូប

គួរប្រើសាប៊ូ និងទឹកក្រអូបណា ដែលមានសារធាតុខ្ពស់ ជួយសម្អាតសំលៀកបំពាក់អ្នកឆាប់បានស្អាត មិនហើរពណ៌នៅថ្មីបានយូរ ហើយជួយឲ្យក្រណាត់ទន់ល្មើយ មានក្លិនក្រអូប ប្រហើរបែបធម្មជាតិទៀតផង។

៦. ជៀសវាងកន្សែងពោះគោ ឬ ខោអាវសាច់ក្រាស់

បើករណីមានបោកកន្លែងពោះគោ ឬ ខោអាវក្រាស់ៗដូចជាខោខោវប៊យ គួរដាក់វាដោយឡែកពីសាច់កំណាត់ស្តើងៗ បើមិនចឹងវានឹងក្រស្ងួត។

៧. ទីតាំង និងការប្រើខ្សែហាល រកទីតាំងណាដែលមានពន្លឺ កម្តៅគ្រប់គ្រាន់ ហាលសំលៀកបំពាក់របស់អ្នក ប្រសិនបើអាច គួរហាលនៅលើខ្សែព្យួរមួយ ដោយមិនបាច់មិនមានស្មាអាវទេ ហើយឧស្សាហ៍បង្វិល ឬ ត្រឡប់សំលៀកបំពាក់ជាប្រចាំដើម្បីស្ងួតបានឆាប់រហ័ស។ ៨. ប្រើម៉ាស៊ីនពូតឲ្យបានច្រើនដង

ដើម្បីឲ្យខោអាវឆាប់ស្ងួតទឹក អ្នកដែលបោកដោយម៉ាស៊ីន អាចធ្វើការដំឡើងកម្លាំងម៉ាស៊ីន(សារ៉េ ប៊ូតុង ក្រឡុកឲ្យបានច្រើនដង ដើម្បីឲ្យខោអាវឆាប់ស្រស់ទឹក មុននឹងម៉ាស៊ីនចាប់ផ្ដើមពូត)។

៩. ប្រើម៉ាស៊ីនផ្លុំសក់

ករណីប្រថុចញ៉ុចត្រូវមានដំណើរកម្សាន្តចេញទៅឆ្ងាយពីផ្ទះ បើសិនមានម៉ាស៊ីនផ្លុំសក់មួយតាមខ្លួនក៏ល្អដែរ អាចជួយបានមួយរយៈពេលខ្លី ពេលដែលអ្នកបោកខោអាវក្រស្ងួត៕

អត្ថបទ៖ ថា ម៉ាលីដា