ឡូយ! ការប្រគំតន្ត្រី SWSB ចូលរួម Free ហើយមានឡានដឹកទៅមើល Free ទៀត

2017-06-05 05:07:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីសម្ពោធអាល់ប៊ុមថ្មី ឈ្មោះ"២x៥" របស់ក្រុមចម្រៀង SmallWorld SmallBand បង្កើតការប្រគំតន្ត្រីដំបូងបង្អស់របស់ខ្លួន ដោយបើកឲ្យប្រិយមិត្តចូលរួមទស្សនាដោយសេរីនៅថ្ងៃសុក្រនេះ។

ថ្ងៃសុក្រនេះ ប្រិយមិត្តអាចទទួលសំបុត្រចូលទស្សនាកម្មវិធីនេះដោយសេរី ដោយគ្រាន់តែតាមដានទំព័រហ្វេសប៊ុក SmallWorld SmallBand ឬ IamOringal ដើម្បីលេងហ្គេម និងទទួលរង្វាន់។ ឯវិធីងាយៗមួយទៀត គឺច្រៀងត្រាប់តាម(Cover)ចម្រៀងណាមួយរបស់ SmallWorld SmallBand និង Mention ផេករបស់ពួកគេ។

អ្វីដែលរឹតតែអស្ចារ្យនោះ អ្នកចូលរួមនឹងទទួលបានអារម្មណ៍រីករាយ ប្លែក ដែលអ្នកនឹងបានស្ដាប់បទថ្មីទាំង១០ក្នុងអាល់ប៊ុម "២x ៥" មុនគេ ថែមទាំងបានទស្សនាការសម្ដែងពិសេសពីក្រុមខាងលើ និង "ក្មេងខ្មែរ" ផងដែរ។

ព្រឹត្តិការពិសេសនេះ នឹងធ្វើឡើងនៅសាលប្រគំតន្ត្រី Black Box Theater ស្ថិតនៅក្នុងសាលាអន្តរជាតិ (ISPP)។ ហើយអ្នក ក៏អាចទទួលបានការធ្វើដំណើរឥតគិតថ្លៃទៅទីតាំងកម្មវិធី ដោយក្រុមការងារ ភ្លើងគប់ សហការជាមួយ #IAmOriginal មានឡានក្រុងចំនួន៤ចាំទទួលនៅស្កាតអូឡាំពិក។ តែបើប្រិយមិត្តខកខាន អ្នកត្រូវប្រើមធ្យោបាយធ្វើដំណើរដោយខ្លួនឯង ព្រោះកន្លែងមានកំណត់៕

អានព័ត៌មានពេញនិយម

អត្ថបទ៖ សុខណា