តម្លៃស្រូវប្រទេសថៃ កើនឡើងដល់ជាង ៧០០ដុល្លារក្នុងមួយតោន
- 2017-06-14 02:47:23
- ចំនួនមតិ 0 | ចំនួនចែករំលែក 0
តម្លៃស្រូវប្រទេសថៃ កើនឡើងដល់ជាង ៧០០ដុល្លារក្នុងមួយតោន
ចន្លោះមិនឃើញ
១. បាក់រលំអគារ ៧ជាន់ នៅកេនយ៉ា បណ្ដាលឲ្យមនុស្សជាង ១០នាក់បាត់ខ្លួន
យ៉ាងហោចណាស់ មនុស្សបាត់ខ្លួន ១៥នាក់ ត្រូវក្រុមអ្នកសង្គ្រោះកំពុងស្វះស្វែងរកមើល បន្ទាប់ពីកើតមានហេតុការណ៍បាក់រលំអគារកម្ពស់៧ជាន់ កាលពីប៉ុន្មានម៉ោងមុន ស្ថិតនៅរដ្ឋធានីណៃរ៉ូប៊ី ប្រទេសកេនយ៉ា។ បើតាមសាក្សីនៅទីនោះបានអះអាងថា ការបាក់រលំនេះ កើតឡើងក្រោយពីមានស្នាមប្រេះជាច្រើនកន្លែងនៅលើជញ្ជាំងអគារ។
២. តម្លៃស្រូវក្នុងប្រទេសថៃកើនឡើងដល់ជាង ៧០០ដុល្លារក្នុងមួយតោន
តម្លៃស្រូវក្នុងប្រទេសថៃ ត្រូវបានរំពឹងថា នឹងបន្ដកើនឡើងរហូតដល់ចុងឆ្នាំ២០១៧ ដោយសារការស្ដុកស្រូវរបស់រដ្ឋាភិបាលថៃ ត្រូវបានបញ្ចេញលក់ និងករណីគ្រោះធម្មជាតិដែលបានកើតឡើងនៅប្រទេសជាច្រើនជុំវិញពិភពលោក។ តម្លៃស្រូវក្នុងប្រទេសថៃ បានកើនឡើងដល់ ៦៣៥ដុល្លារក្នុងមួយតោន កាលពីខែឧសភា និងបានបន្តកើនឡើងដល់ ៧១៥ដុល្លារក្នុងមួយតោន នៅដើមខែមិថុនា ២០១៧ ខណៈតម្លៃស្រូវក្នុងប្រទេសវៀតណាម បានកើនឡើងពី ៤៧៥ដុល្លារក្នុងមួយតោន ក្នុងខែឧសភា និងបន្ដកើនដល់ ៤៩៥ដុល្លារក្នុងមួយតោន ក្នុងខែមិថុនា ២០១៧។
៣. កូរ៉េខាងជើង ដោះលែងនិស្សិតអាមេរិកម្នាក់
រដ្ឋាភិបាលក្រុងព្យុងយ៉ាង បានដោះលែងនិស្សិតអាមេរិកម្នាក់ ដែលត្រូវបានចាប់ខ្លួនកាលពីថ្ងៃទី២ មករា ឆ្នាំ ២០១៦ និងកាត់ទោសឲ្យជាប់ពន្ធនាគារ ១៥ឆ្នាំ លើករណីលួចបដាឃោសនានៅក្នុងប្រទេសកូរ៉េខាងជើង។ ការប្រកាសដោះលែងនិស្សិតអាមេរិក ឈ្មោះ Otto Warmbier ធ្វើឡើង ក្រោយអតីតតារាបាល់បោះអាមេរិក លោក Dennis Rodman បានធ្វើទស្សនកិច្ចទៅប្រទេសកូរ៉េខាងជើង កាលពីថ្ងៃទី១៣ មិថុនា ម្សិលមិញ។
៤. កូរ៉េខាងត្បូងចោទកូរ៉េខាងជើងបញ្ជាកូនយន្តហោះដ្រូន លួចព័ត៌មានប្រព័ន្ធការពារមីស៊ីលអាមេរិក
ប្រទេសកូរ៉េខាងត្បូង បានអះអាងកាលពីថ្ងៃអង្គារម្សិលមិញថា ទាហានកូរ៉េខាងត្បូងបានប្រទះឃើញយន្តដ្រូនឈ្លបការណ៍មួយមកពីកូរ៉េខាងជើងដែលបានព្យាយាមលួចយកព័ត៌មានជុំវិញប្រព័ន្ធការពារមីស៊ីលអាមេរិក មុនពេលវាធ្លាក់នៅតាមជម្រាលភ្នំ។
យន្តហោះដ្រូន មានបំពាក់កាមេរ៉ា បានធ្លាក់នៅត្រង់តំបន់ព្រំដែនកូរ៉េទាំងពីរដែលមានការពង្រឹងសន្តិសុខយ៉ាងតឹងរ៉ឹង។ សូមទស្សនាវីដេអូបកស្រាយរបស់ក្រុមការងារ Sabay ដូចខាងក្រោម៖