មកស្គាល់ ទីក្រុងខ្មោច ទាំង៥ ដែលជាទិសដៅទេសចរ ល្អបំផុត

2017-06-15 07:26:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្មានអ្វីអាចធ្វើឲ្យយើងតក់ស្លុត និងរន្ធត់ ជាជាងទីក្រុងខ្មោច ដែលត្រូវបានគេបោះបង់ចោលទាំងស្រុងនោះទេ។ ផ្ទុយទៅវិញ ទីក្រុងខ្មោច ទទួលបានការចាប់អារម្មណ៍យ៉ាងខ្លាំង ពីមនុស្សជាច្រើន រហូតទទួលបានឈ្មោះល្បីល្បាញទៀតផង។

បើយោងតាមគេហទំព័រ Pinterest បានឲ្យដឹងថា អ្នកប្រើប្រាស់ដែលកំពុងស្វែងរក ដំណើរកម្សាន្តបែបប្លែកៗ បានស្វែងរកទីតាំង ដោយសរសេរជាពាក្យគន្លឹះ «ទីក្រុងខ្មោច» បានកើតឡើងរហូតដល់ទៅ ១៨១ ភាគរយ នៅឆ្នាំនេះ។

នៅក្នុងថ្ងៃនេះ យើងនឹងណែនាំប្រិយមិត្តទាំងអស់គ្នា ឲ្យបានស្គាល់នូវទីក្រុងខ្មោច ទាំង៥ ដែលជាទិសដៅទេសចរល្អបំផុត នៅទូទាំងពិភពលោក៖

#១ ទីក្រុង Craco ប្រទេសអ៊ីតាលី

ទីក្រុងមួយនេះ ត្រូវបានគេបង្កើតឡើង នៅសតវត្សទី ៨ ដោយស្ថិតនៅលើច្រាំងថ្ម កម្ពស់ ១ ៣១២ ម៉ែត្រពីដី។ វាត្រូវបានគេបោះបង់ចោល ដោយសារតែរងគ្រោះមហន្តរាយធម្មជាតិជាច្រើន ដូចជា៖

នៅឆ្នាំ ១៩៦៣ ប្រជាជនជម្លៀសចេញ បន្ទាប់ពីមានការបាក់ស្រុតដី
នៅឆ្នាំ ១៩៧២ ទទួលរងគ្រោះទឹកជំនន់
នៅឆ្នាំ ១៩៨០ ទទួលរងគ្រោះរញ្ជួយដី បណ្ដាលឲ្យគេបោះបង់ទីក្រុងនោះចោលទាំងស្រុងតែម្ដង

#២ ទីក្រុង Terlingua រដ្ឋ Texas សហរដ្ឋអាមេរិក

នៅពេលដែលក្រុមហ៊ុនរ៉ែ ឈ្មោះ Chisos Mining Company បានបើកនៅពាក់កណ្ដាលទសវត្សរ៍ ឆ្នាំ ១៨០០ កម្មករ និងគ្រួសាររបស់ពួកគេ បានផ្លាស់មករស់នៅទីនោះយ៉ាងឆាប់រហ័ស។ ចំនួនប្រជាជនបានកើនឡើង ប្រហែល ៣ ០០០ នាក់ នៅឆ្នាំ ១៩០៣។ ផ្ទុយទៅវិញ រហូតមកដល់ឆ្នាំ ២០១០ ចំនួនប្រជាជននៅសល់ត្រឹមតែ ៥៨ នាក់ប៉ុណ្ណោះ។

#៣ ទីក្រុង Pripyat ប្រទេសអ៊ុយក្រែន

ទីក្រុងនៅភាគខាងជើង នៃប្រទេសអ៊ុយក្រែននេះ ប្រហែលជាទីក្រុងខ្មោចល្បីឈ្មោះបំផុត នៅក្នុងពិភពលោក។ វាគឺជាលំនៅដ្ឋានរបស់ប្រជាជន ចំនួន ៥០ ០០០ នាក់ មុនពេលដែលពួកគេជម្លៀសចេញ នៅខែមេសា ឆ្នាំ ១៩៨៦ ក្រោយពេលផ្នែកមួយ នៃរោងចក្រថាមពលនុយក្លេអ៊ែរ Chernobyl Nuclear Station បានផ្ទុះ។ គ្រោះមហន្តរាយខាងលើ ត្រូវបានគេហៅថា Chernobyl Disaster ដែលបានបង្កឲ្យមានកម្រិតវិទ្យុសកម្មខ្ពស់ បង្ខំឲ្យប្រជាជនជម្លៀសខ្លួនចេញភ្លាមៗ តែម្ដង។

#៤ កោះ Hashima Island ប្រទេសជប៉ុន

កោះ Hashima Island ត្រូវបានគេស្គាល់ ដោយសារតែ រ៉ែធ្យូងថ្មក្រោមសមុទ្រនៅទីនោះ ដែលបានចាប់ផ្ដើមប្រតិបត្តិការ នៅឆ្នាំ ១៨៨១។ កោះមួយនេះទទួលបានចំនួនប្រជាជន រហូតដល់ទៅជាង ៥ ០០០ នាក់ នៅឆ្នាំ ១៩៥៩។ ប៉ុន្តែ នៅពេលដែលរ៉ែចាប់ផ្ដើមស្ងួតហួងហែងអស់ នៅឆ្នាំ ១៩៧៤ មនុស្សជាច្រើនក៏បានចាកចេញ រហូតអស់មនុស្ស និងត្រូវគេបោះបង់ចោលទាំងស្រុងតែម្ដង។

#៥ កោះ Ross Island ប្រទេសឥណ្ឌា

ដំបូងឡើយ កោះមួយនេះគឺជាផ្ទះរបស់មន្ត្រីរដ្ឋាភិបាលអង់គ្លេស ដែលបានបង្កើតឡើង បន្ទាប់ពីការបះបោរ Indian Rebellion នៅឆ្នាំ ១៨៥៧។ ប្រជាជនអង់គ្លេស បានចាត់ទុកវាជាផ្ទះរបស់ពួកគេ ដោយបង្កើតសាលរាំ ហាងនំ ក្លឹប អាងហែលទឹក និង សួនច្បារជាច្រើន រហូតដល់ឆ្នាំ ១៩៤១ នៅពេលទទួលរងគ្រោះរញ្ជួយដី និងត្រូវជនជាតិជប៉ុនឈ្លានពាន៕

ប្រភព៖ Businessinsider ប្រែសម្រួល៖ សេង ឡុង

ពាក្យទាក់ទង

តំបន់ទេសចរណ៍អន្តរជាតិ សង្គមប្លែកៗ

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

ក្រុមហ៊ុន Smart Axiata ស្វាគមន៍ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មកកាន់មជ្ឈមណ្ឌលគាំទ្រសហគ្រិន Smart Startup Space និងបង្ហាញពីការប្តេជ្ញាលើកកម្ពស់ និងគាំទ្រយុវជន

TikTok ជួយម្ចាស់អាជីវកម្មខ្មែរសម្រេចកំណត់ត្រាលក់ដាច់ខ្លាំងក្នុងរដូវបុណ្យភ្ជុំបិណ្ឌ

ជំនឿលាក់់មុខដែលនាំឱ្យមានការយល់ច្រឡំដែលបង្កើតទម្លាប់រស់នៅមិនល្អ និងនាំឲ្យមានការកើនឡើងនៃជម្ងឺបេះដូងចាប់ពីវ័យក្មេងទៅ

Midea រៀបចំសន្និសីទតំណាងចែកចាយលើកដំបូងរបស់ខ្លួននៅក្នុងទីផ្សារអាស៊ីប៉ាស៊ីហ្វិក ដោយបង្ហាញពីដំណោះស្រាយពិសេសចំនួន 5

អាកាសយានដ្ឋានអន្តរជាតិតេជោទទួលស្វាគមន៍ យន្តហោះ Cathay Pacific បណ្តោះអាសន្នក្នុងកំឡុងពេលឥទ្ធិពលព្យុះរ៉ាហ្គាសា

Vietjet មានបំណងហោះហើរត្រង់ និងស្វែងរកឱកាសវិនិយោគទុនអាជីវកម្មនៅសហរដ្ឋអាមេរិក